בס״ד
| Parasha |
| Devarim 31:1 - 30 |
| Haftara |
| Hosea 14:2 - 10 Micah 7:18 - 20 |
______________________________
Moshe in Am-Israel te kom a Mitzva anahil khat chu “Mitzvat Hakhail” ahi. Hichi mitzva hi kon asuh bulhit ding ham?
Kum 7 sih le juda lengpa leh mipi hon asuh bulhit khom diu ahi. Shimitta kum leh Lhambuh kut (Sukkot/סוכות), Chol Hamoed kipat nalang leh, Jerusalem a ahung kisuh kom phat teng ule Lengpan Torah asim ding chule ahilding hichi chu mijouse Pasal, Numei, chule chapang hon jong abon uva angai diu ahi.
Lengpan “Birkat HaTorah” chu dingpum a asei ding chuteng a Torah sung asim teng toupum a asim ding ahi. Sefer Devarim a kon bung phabep asim angai in ahi, Shema (5:4-8) chule Vangbuh naleh Sapsetna (Parashat ki Tavo).
Torah asim jou teng Brachot 7 asei ding ahi. Khakhamim ho kisan injong lengpa Torah hil leh sim chu angai ding mitzva ahi ajeh chu hichi dinmun ahi lengpa chu Pathen khel a thusei tabang ahi. Sinai muol a Pathen in Torah apih pet a Am-Israel ten abon uva angai’u bang achu lengpa Torah sim chu Sinai muol akon hung ging tabang a angai diu ahi. Hichi mitzva um lo napen khat chu Am-Israel te jouse abon uva Pathen gin ji (יראת שמים) ahet uva Torah le mitzva ahin bol nadiu ahi.
Parable - Yom tov nikhat ahin Rabbi Yochanan ben Beroka leh Rabbi Elazar ben Khasma in a ojapu’u Rabbi Yehoshua ana vil (Visited/ביקרו) lhon e. (Yom tov nile Torah jil khat in a ojapu aga vil chu mitzva ahi)
Rabbi Yehoshua - Tuni ipi najil doh lhon um em?
R. Yochanan leh R. Elazar - Nang ka ojapu nahi ipi ty nang masang a Torah thu kasei lhon ding ham? (Rav te um namun a torah hil phallou ahi)
Rabbi Yehoshua - A khoh poi sei lhon in.
R. Yochanan leh R. Elazar - Phat seh in thil thah jat jat kajil be uve.
Rabbi Yehoshua - koi ham ahil?
R. Yochanan leh R. Elazar - Rabbi Elazar ben Azarya ahi.
Rabbi Yeshoshua - ipi chung chang ahil ham?
R. Yochanan leh R. Elazar - Parashat Hakhail chung chang.
Rabbi Yehoshua - Parashat Hakhail chung chang a ipi ahil ham?
R. Yochanan leh R. Elazar - Athil hil chu, Pasal hileh numei hileh abon uva Lengpa Torah hiling ngai a ahung uchu ama ho dia mitzva ahi. Aleh Chapang thil si le pha hekhen lou lai ho ipi dia Lengpa Torah hil ngai dia hung ngai ham? Ajeh chu Chapang hin puinu/puipa chun tohphat (שכר) man akisan be thei nading ahi.
Rabbi Yehoshua - Athil hil chu ahoi lheh e atin ahin pah cha e.
Juda pasal khat chun Torah ama khut tah a akisut ding chu Mitzva ahi. Aman akisut thei tah lou leh asun thei khat (Scribe/סופר) aki sut sah ding ahi. Ahin, eiho khang ahin mijouse in Torah akisun thei pon chuleh cho jong aki cho jou poi hichie khel achu halacha book hihen, Mussar book hihen, Gemara hileh jil man khel khel hih jong le ichoh a, inei teng hichi mitzva pahi akisubulhit thei e. Inei jou ale inn ajong hou lekha library (ספריה) jong nei thei ahi ahin hichi lom lom ibol jou lou tah-a ahile Tanakh, Khumas, Tehillim beh nei angai e. Hichi lekha kinei ho hin innsung vengbit injong apang e. (Mezuzah in, inn aven tup bang a)
______________________________