Thil neh/don masang a “Bracha Rishona” sei ding heimil, ipi lo ding ham?
Sulchan Aruch, Orach Chaim, Siman 172
A Twi
Twi, cha, theitwi chuleh donthei dang dang ho chunga "Bracha Rishona" akisei heipang tahleh seitah louding hinlah "Bracha Akhrona" vang sei thei chuleh donmoh cheng sie chunga vang "Bracha Rishona" seiding chuleh don chai tieng "Bracha Akhrona" sei kit ding.
A Ha
Eino Names - A nehthei chu kam akuon sit lhah thei (E.g. - Mithai) ahileh, akhut a asit lhah ding chuleh "Bracha Rishona" aseiding chutieng a thah nehding.
Names - A nehthei chu kam akuon sit lhah thei lou (E.g. - Bread kilhai pansa) ahileh, kam ninglang khat a notdoh ding, "Bracha Rishona" aseiding chutieng neh aban jom ding.
Khatuna a numei pasal achuom chuom bol tei tei ngai ham?
Khatuna nifredet
Khatuna ni hi pieng nikho sang a poimo jo ahi. Mihiem ahung pien lhah ahi alhing (Complete) a hi nai poi hinlah ji anei tieng alhing a kisim ahi, Khatuna ni ahi mihiem lhingseit akiso nikho lhon ahi in. Nikho lientah leh thiengthou pen khat ahi, "Khupa ve Kedushin ke da'at Moshe ve Israel" hichi tobang nikho thieng thou nia hi avera a pat chu deisah ahipoi hijieh achu "Khatuna nifredet" bol chu aphai.
Athi ho ilui neshamot adia Sefer Torah donate bol kal a pha um am?
Sefer Torah donate bol chu athipa/thinu lhagao kidopsang nadia thil phatah ahi hinlah hetding khat chu donate kibol nading mun achu Sefer Torah ngai chat hinam ti het angai e ajieh chu donate kibol jongleh Sefer Torah tamtah um jieh in nang donate bol pen chu sim tahih ule kan'na louding ahi hichi sanga hoi chu athipa chapa/chapaten apa'u ilui neshama adia tefillin avei jongleh kan jo ahi. (Chapa hi apa kehkhat tobang ahi in aman kisuh hatna anei cheng leh apa lhagao adia akan natna um ahi hijieh achu tefillin vei khalou pan jong apa neshama ding gelna a akisuh hat a tefillin avei leh, apa lhagao kidopsang na dia akithupi thei ahi)
Thil neh chenga ilui neshama adia kavana nei a bracha asei jong ahithei e. (Bracha sei chenga ilui neshama ding ahi ti angai poi, khat vei kavana apieh chu kum 1 sung si adia a ngan si thei ahitai)
Ahoi dih siet chu "Kiruv" adia tzedaka bolding ahilouleh ahilou leh mi Torah jil dinga suh hat ding, Gemara (Masekhet Bava Batra 9a) in asei bang in "Gadol ha ma'ase yoter min ha ose" mikhat thil pha bol dinga nakithupi chu nangma tah in nabol sanga jong loupi jo leh lien jo ahi.
Pathen in lim le guon anei lou ahileh ipity Moshe Rabbeinu in amuthei ham?
"Dibra Torah Ke Lashon Bnei Adam"
Torah in mihiem hethem thei nading a asei ahi.
Ipity mijouse toh kaki tu thei ding ham?
"Ose shalom bimromav Hu berakhamav ya'se shalom aleinu ve'al kol Israel" akity teng kal 3 akinung se bang akhun, Kinah natheiding dinmun jouse ah, kal nung se inlang na ego nem sah lechun nachunga chamna (Shalom) umding ahi.
Torah ahung kidop doh teng ipi jih a kiding ji ham?
Amasapen a hetding chu "Kavod/Janna" kipi ahi.
Rav khat hou-inn sung/Room khat sunga ahung lut teng akiding ji e, a Torah hetgilna pachu janna jal a kiding ahi. Ale Rav pa dinga bon (Kal ve khomer) akiding thei le a Torah tah ngel ding achu din ding mong ahi.
Aron HaKodesh aki hon teng ding tei tei ngai um?
Din chu ahoipen e hinlah Tehse thanei lou/Adam lou tha kidu doh lou lai hochu ading jou lou ule tei tei ahi poi. Ahin Torah ahung kidop doh teng le vang din tei tei angai e. Torah chu mun khat a akitun takah se a din ding ahi.
Example - Aron HaKodesh aki hon pet achu Torah chu mun khat a kitung ahinalai jih achu ding joulou te dia tei tei hilou, Aron HaKodesh akon ahung kidop doh teng Bima chunga aki ngap lhah/koi lhah takah se achu ding tei tei di ahi.
Mezuzah ichang a kitah thei ham? Phal ahileh Numei in achang a akitah thei ding ham?
Mitzvat Kviat Mezuzah
Mezuzah tah nadia Minyan (Pasal 10) angai poi. Mikhat in achanga akitah thei ahi. Numei in jong akitah thei e, Bracha jong asei thei e. Hichi Mitzva ahi pasal numei ani a kibang chet a obligate ahi.
Bracha - Baruch atta H’ Elokeinu melekh ha’olam asher kideshanu be-mitzvotav vetzivanu likvoa Mezuzah
פניני הלכה
ליקוטים - א | פרק - י | הלכה - ב
"אשה המתגוררת לבדה בביתה, חייבת לקבוע בו מזוזה ולברך: "ברוך אתה ה' אלוהינו מלך העולם, אשר קדשנו במצוותיו וציוונו לקבוע מזוזה
Lulav lo nadia Bracha akisei teng Etrog choi ngai am?
Seder Netilat Lulav
Lulav lo nadia Bracha akisei teng ahoipen chu Etrog chu table chung ham khat a koiding ahi, ahin, Mikhat chu achoi a achoi vanglah tah le Etroh chu Bracha kisei pet achu abung bu a achoi ding ahi.
Lulav akikan man tah lou le ipi lo a pha ham?
Lulav aki kan man tah lou le, Yom Tov nia jong khi-lhem thei ahi.
Kaddish sei pet atou thei ham?
Ashkenazi - Kaddish ki sei phot phot le din (Stand) ding.
Atou pet hijongle ding doh ding, Adin pet hijongle ding dan di.
Safardi - Ding pet a Kaddish akisei leh - Din dan ding.
Tou pet a Kaddish akisei leh - Din ngai lou.
Shabbat mei vah masat ding ham ahilou leh Chanukah mei vah masat ding ham?
Behag (Ba'al Halachot Gedolot) seidung jui a Chanukah mei vah masat ding ahi ajieh chu Shabbat mei akivah masat leh numei ho Chanukah meivah na’a pang thei talou diu ahi. “Mitzvat Hadlakat Nerot Chanukah” hi mumei leh Pasal kibang chet a thupieh anei ahi hijieh achu numei hojong apan thei nadiu’a Chanukah mei vah masat angai e.
נשים חייבות במצווה כגברים. ואף שזו מצוות עשה שהזמן גרמה, ובדרך כלל נשים פטורות ממצוות עשה שהזמן גרמן, מכל מקום כיוון שגם הנשים היו שותפות בנס, אף הן חייבות במצווה.
