V'zot HaBeracha

בס״ד

Parashat Ve Zot HaBracha

______________________________

Introduction

Tuchung Shabbath Parasha hi  “Parashat Vezot HaBracha” hiding dol ahi, hinlah Shabbath Khol Ha-Moed in alap dan tah jih a Shemoth 33:12 - 36 chan joh kisimding  ahitai chuleh Simkhat Torah ni joh leh Parashat Vezot HaBracha chu kisim ding ahi. 

Shemoth 33:12 - 36 hi “Parashat Ki Tisa” sung ahi. Parashat Ki Tisa akisim jih chu, hichi Parasha sung ahi kut pi 3 (Shalosh Regalim) ho chung chang kisei jeh ahi. 

Shalosh Regalim - Pessach, Shavuot chuleh Sukkot ahiuve.

PARASHAT VE ZOT HABRACHA -  “Ve Zot HaBracha” akity in Moshe book nga lah a akichaina le anukhah pen chu ahi.  “Ve Zot HaBracha” kity chu “hiche hi Phatthei chu ahi” tina ahi. (Parashat Ve Zot HaBracha hi Parasha lah a achom pen ahi)

Ipi jeh a “Ve Zot HaBracha” kity ham? 

Hapta masa Parasha (Parashat Ha’azinu) a kisei bang achun Moshe Har-Nevo chunga thidan ding in akal tai. Tu Hapta Parasha (Parashat Ve Zot HaBracha) ahi Moshe in Israel Nam 12 jouse phatthei abuh thu akisei in ahi. (Shimon phung tilou) 

Parasha masa a Moshe thi ding nikho kisei a tu hapta Parasha a Moshe in phatthei abuh thu ipi jeh a kisei kit ham?  Ajeh chu Hapata masa parasha a kisei bang achun Moshe chu Har-Nevo chunga thidan ding in ana kal e, Athi masanga Israel nam 12 jouse Phatthe na abuh in ahi. Hetdia poimo khat chu Parasha ho hi aphat chenga aban kijom chet chet lou ahi ajeh chu Torah hi “chronological order” a kisun lou ahi. TV show ho banga episode khat akichai le next episode a aban kijom tabang hilou ahi.

Pathen in Moshe chu Har-Nevo chunga kaldoh dingin asol tai, Moshe Har-Nevo akaldoh chun Thina-vantil in Moshe hinkho lading in Moshe chung a ana leng le le in ana ngah e, Moshe in hiche amu chun Thina-Vantil chu aman in tol ah asep lha tai ajeh chu Pathen in Moshe chu Thina-Vantil khut a thi lou dinga phalna ana peh ahi. Moshe in Thina-Vantil chu Nam 12 ho phathei abuh chu angai sah e.

Tiferet Tzion hilchetna dungjui in hiche “Thina Vantil” amin dang chu  “Satan” ahi.  Hiche Satan chun Bnei Israel te Phathei chang nadia kon avendoh gut ahi. 

Moshe in athi masang a abol nom pen chu Bnei Israel te Phatthei buh ding chu ahi. Moshe Phatthei buh nachu tzaddikim dangjouse phatthei buhna sang a nasa jo ahi chule ipu ipa te’u Avraham, Yitzchak, Yakov hosang ajong Moshe Rabbeinu Phatthei buh nahi sang jo ahi. 

Tzaddikim dang ho jouse chuleh ipu ipa teu hojouse sanga Moshe Rabbeinu achungnung (Superior/עליון) joh nachu Midrash in het thei nadin thutekah na hitin api e  - (Fictional conversation/שיחה בדיונית)

ADAM in Moshe kom a - Nang sang in ka lien jo e (Greater/גדול יותר) ajeh chu Pathen in akhut tah mangcha a isem ahi, Nang banga nu oisung akon hung peng kahi poi ati. 

Moshe in Adam adon butna - Na liet nachu (Greatness/גדולה) nachonseit achun naki mansah tai aty. Pathen in kei ivangbuhna vang itih a mang talou ding ahi aty.

NOACH in Moshe kom a - Nang sang in ka lien jo e ajeh chu tui-lit (Flood/מבול) akon kaki huh doh e, chule kei hi leiset pumpi adia mipa kahi. 

Moshe in Noach adon butna - Nang le nang naki huh doh nai hinlah na khang (Generation/דור) nahuh doh jou poi. Keivang kei leh kei kaki huh doh kiu hilou in Pathen in Am-Israel te bongnou siemthu (חטא העגל) ana hou jeh uva suh mang ding agut achun ken abon uvin kahuh doh e. 

AVRAHAM in Moshe kom a - Nang sang in ka lien jo e ajeh chu kei jindot-thiemna (Hospitality/אירוח) kanei e. 

Moshe in Avraham adon butna - Nang in neh le chah um na mun a maljin ho navah ahi hinla ken vang gamthip a neh umlou namun a Vangam akon hung khilha Changlhah a mijouse kavah e. 

YITZCHAK in Moshe kom a - Nang sang in ka lien jo e ajeh chun kei "Mizbeakh" chunga Pathen adia kaki lhandoh in chuleh “Pathen Sechina” jong kagao in kamu e.

Moshe in Yitzchak adon butna - Pathen Sechina namu achun namit amal e ahin ken vang “Sechina” toh kimai ngat tu in kaki hou in kamit tha abei poi.

YAAKOV in Moshe Kom a - “Ken Vantil kaki but (Wrestled/נאבק) pi e”

Moshe in Yaakov adonbutna - Nang in vatil chu nachenna mun leiset a (Mihiem te um na) naki but pi ahi hinlah ken vang Vangam kakal achun (Vantil te um na) ka-that jo e. (Moshe Vangam a Torah ladinga ache achu Vantil ten Torah achan sang a ama joh thah ding ahin gu uve) 

Hitin chun Pathen in hitin asei e mijouse sang in Moshe hi keitoh kaki nai pen e, hijeh achu Moshe Phatthei buh nachu tzaddikim dang jouse a sanga sangjo ding ahi aty.

Moshe in Am-Israel aphung cheh a avang buh kon achun tehillim bung 90 nachu ana tao e. 

Midrash Tehillim hilchenna dungjui in Tehillim bung 90-101 sung hi Moshe sem/sut (Composed/כתב) ahi.

_____________________________