בס״ד
______________________________
הקדמה
Tuchung i’parasha uva kisei khat chu cohanim te kivon ding dan ״Bigdei Kehuna" chung chang ahi. Police, lawyer, student hon uniform anei uvin, a uniform uchu a identity'u tobang in aum in, hichie dungjui chun ipi hiu ham ti akihe khen thei in ahi. Hichie ma bang achu juda khat jong kippah akikhuh a tzitzit akiah a akivon tup tieng a'juda hina identity chu anei in ahi. Police khat in uniform leh badge jaolou a mi amat thei lou bang in juda khat in jong kipa leh tzitzit jaolou in houbol mi (Dati/דתי) kahe ati thei poi. Nei le gou mansah chu thilkhat mansah akihi in hinlah ihina (identity/זהות) imansah tieng thil ljousie mansah aki hie.
מקור
בגדי כהנה
Cohanim te von hi jat 2 in akihom khen e - Cohen Ragil ho Bigdei Hedyot in akivon uvin chuleh Cohen Gadol pa Bigdei Zahav in akivon e. Bigdei Hedyot leh Bigdei Zahav kikhih na :
Bigdei Hedyot | Bigdei Zahav |
Migba’at | Migba’at |
K’tonet | K’tonet |
Avnit | Avnit |
Michnasayim | Michnasayim |
Tzitz | |
Chosen Mishpat | |
Aifod | |
Meil |
סיפור
Gentile (Goy/גוי) khat in Beith haMidrash lampi ahin jonpa in, Rabbi pan a student te kuom a Cohen von “Bigdei Kehuna” chung chan asei aja in chuin amapan “Koi kivon ding dan hnasei uham?” tin adong e. “Cohen Gadol pa kivon ding dan ahi” tin student hon adonbut uve. Chuin giur bolding chuleh Cohen Gadol dinmun tuding tin akigel lha in, Shammai kuom a achie in “Cohen Gadol tuthei nading in giur neibol in” tin aga sei in Shammai in ahinson doh tai. Hillel kuom a aga chie kit in, Hillel in vang giur ahinbol pieh in hinlah Cohen Gadol dinmun tu masang a jilding phabep um e tin asei e. Gentile pachu a giur jou in Cohen Gadol dinmun tuthei nadin Torah asim in chuin “Milham koi tobang khat in puonbuh aga nailut leh ama chu tha ding ahi - Bamidbar 1:51” ahi kiti ahin kisimdoh khah tai. Hichie bung a kisei milham chu koi tobang kiseina ham tin Hillel adong in, Hillel in mijousie sie chuleh Leng David pum a kiseina ahi tin aseipieh tai. Gentile pa akigel in “Israel chu ka chapa tah pen ahi - Shemot 4:22” kitia hinlah ponbuh aga lut leh thalih a um ding ahileh ipiti kei giur bol khat Cohen Gadol pa dinmun katu a ama kivon na a kaki von thei ding ham ati. (Gemara Masekhet Shabbat 31a)
סיכום
Lekhabu jousie a'cover a lekha min akisun in, a lekhabu sung ikiphoh doh masang in a'cover a amin kisun dungjui in akive e. Juda khat jong minyan a taobom pi din akivon na dungjui in akive e. Kippah khuh lou khat toh kippah le tzitzit ani a kibol khat kikah achu ania bolpa joh minyan adia deilhen umjo ding ahi. Hijieh achu Juda ihileh juda von a kivonding ahi.
_____________________________