בס״ד
Parasha |
Devarim 16:18 -21:9 |
Haftara |
Isaiah 51:12 - 52:12 |
______________________________
Parashat Shoftim ipi seina ham?
שורש המילה/Root Word - Shoftim kity thucheng hi lishpot tina ahi. Lishpot chu Thutan ding tina ahi. [Lishpot - to judge]
Ipi dia parashat Shoftim tia kiminvo ham?
Ajih chu tuchung parasha ahin MITZVAT MINUI SHOFTIM VE-SHOTRIM BEKHOL KAHAL VE KAHAL MI-ISRAEL kity mitzva aum e. Hichi mitzva hi thutan-vaihomding mi lhendoh ding tina ahi. Hichi thutan dia kilhengdoh judges hochun thu atan adiu chu kisei na ahi. [Shoftim - Judges]
Rashi - Thutan dia kilhengdoh kiu hilou in, Amahochu Tzadikkim hidiu chuleh thudih a thu atan diu ahi. “Ve-Shaftu et ha-am mispat tzedek” “Amau chun mipi chunga thudih in vaai hawm uhen”
Beith HaMikdash khang lai achun hichi tabang judicial system hi ana chipi uve:
Thutanding (Judge/שופט) ding chu ipity kilheng ham?
Thutan a pang thei nading in thil 3 akivelha e:
Ninui kity thucheng hi “Lemanot” akon hung potdoh ahi. Lemanot chu lhendoh ding tina ahi [Lemanot - to appoint]
Am-Israel te agam sung ahung lut uchun abol diu mitzvot 3 aum e:
Rambam in Mitzvot 2 teni chu Mitzvat minui Melekh in aki ngam e ati. Ajih chu lamkai ding leng aum lou le abah achalbe thei lou ding jih ahi.
Shmuel Themgao chu ateh phat in Am-Israel ten Leng (King/מלך) ding aga thum tauve. Shmuel in Shaul ben Kish chu leng masapen din alheng doh tai. Ahin Am-Israel ten Leng ding athum uchu Pathen alung hang e.
Leng tundoh ding chu Mitzva ahile ipi ti dan a Pathen lung hang thei ham?
Ajih Hichu:
שמואל-א פרק ח:ז
וַיֹּ֚אמֶר יְהֹוָה֙ אֶל־שְׁמוּאֵ֔ל שְׁמַע֙ בְּק֣וֹל הָעָ֔ם לְכֹ֥ל אֲשֶׁר־יֹאמְר֖וּ אֵלֶ֑יךָ כִּ֣י לֹ֚א אֹֽתְךָ֙ מָאָ֔סוּ כִּֽי־אֹתִ֥י מָאֲס֖וּ מִמְּלֹ֥ךְ עֲלֵיהֶֽם:
I Shmuel Chapter 8:7
Vayomer Adonai el Shmuel shema bekol ha-Am le-kol Asher yameru elekha ki lo Otkha ma’asu ki Oty ma’asu mi melekh aleihem.
I Shmuel Chapter 8:7
Hichun Pakai in Shmuel jah a hitin asei e: Mipin najah a asei jouse khu aboncha ngai temin, Amaho hin nangma napaiyu ahipon, Achunga Leng chang keijoh eipaiyu ahitai.
Me’iri (ibid) hilchet nadung jui in Leng ding chu Yehuda Phung akon hung hiding ahi. Chilai phat achun Yehuda phung akon leng tuh thei ding ana um poi.
Note - Shevet Yehuda leng chang dia lhendoh ahijih chu, Yehuda in Yosef thina akon ahuh doh e. Tuipi kehni akisu/Kiryat Yamsuf kon chun Yehudah phung akon Nakhson ben Aminadav ana lut masapen e.
Juda Lengpa chun Torah lampang a mipi apui hui ding agamsung halacha toh kituh a chon ding (Medinat Halacha/מדינת הלכה) Chondih a chonding, thudih a vai ahop ding ahi. Athil bol jouse chu Pathen ngailut najal a abol ding ahi (Leshem shamayim/לשם שמים)
Juda leng in anit ding mitzvot 4 aum e:
Juda Leng khat chun amaleh asapei ho sakol kangtalai a jah ding kham bou sakol anei ding ahi. Ahoi nading a sakol tam tah nei phal ahilpoi. Ajih dang khat chu Torah in hintin api e: Masang khang achun sakol kivah naleh atamna pen chu Egypt gam ana hi e. Juda Leng khat chu sakol tamtah nei ding phal hitaleh asol chah ho sakol vah dia Egypt a asol ngai ding chule amaho chu Egypt gam a chomkhat beh ahung chengdan'u ngai ding ahi. Egypt a cheng ding chu phallou ahi.
Rambam - Pathen in Am-Israel te Egypt cheding aphallou jih chu Egypt mipite chon dan an lah khah diu adei lou jih ahi. Egypt a che phalou kity hi chengdan ding phallou tina ahi, kholjin or agam ve a che chu phal ahi. Ahin khankhat in hichi phallou pachu Eretz Israel akon pot ding Egypt gam jut ding ahile phallou ahi atiu ve ajih chu Pathen in Egypt akon Isreal gamsunga ihin puilut'u ahi. Israel akon Egypt gam nungjut chu thil dih lou ahi.
Juda Lengkhat chun Ji 18 (Wives/נשים) kalval anei phallou ahi. Ajih chu aleng chan nachu tahsa nupsah nading ahilou jih ahi.
Juda Leng khat chun Ji 18 kal anei phalou ahileh Leng Shlomo in ipi dia ji 1000 anei ham?
Leng Shlomo in mitzvot 3 apal keh e.
Shlomo Lengpan sakol 40,000 ana nei e. Chuleh ji 700 leh numei 300 jong anei e (Concubines/פילגשים) sana dangka jong Torah in aphal jat sang in tamjo ana nei e ajih chu Shlomo lungthim theng danchu ji ijat nei jongleh alungthim Pathen ang akon kihei mang loudin akigel in ahi.
Tiferet Tzion hilchelna dungjui in Shlomo thilbol chu leshem Shamayim adin intention anei e. Ama le ama, a yetzar hara sanga ahat dan kipatep ahi. A yetzar hara ajoteng phatheina lencheh amuding adei ahi.
Juda Leng khat chun sana le dangka agamsung le amipi te dia akhol phal ahi. Ahin, amading a akikhol chu phal ahipoi.
Juda Leng khat chu Torah asut ding hi thupih ahi. A Torah sut chu achi najouse a aki puh ding asim sing ding ahi, ajih chu Pathen ahet jing a, agin jing thei nading ahi.
דברים יז:יט
:וְהָֽיְתָ֣ה עִמּ֔וֹ וְקָ֥רָא ב֖וֹ כָּל־יְמֵ֣י חַיָּ֑יו לְמַ֣עַן יִלְמַ֗ד לְיִרְאָה֙ אֶת־יְהֹוָ֣ה אֱלֹהָ֔יו לִ֠שְׁמֹ֠ר אֶת־כָּל־דִּבְרֵ֞י הַתּוֹרָ֥ה הַזֹּ֛את וְאֶת־הַֽחֻקִּ֥ים הָאֵ֖לֶּה לַֽעֲשׂתָֽם
דברים יז:כ
:לְבִלְתִּ֤י רֽוּם־לְבָבוֹ֙ מֵֽאֶחָ֔יו וּלְבִלְתִּ֛י ס֥וּר מִן־הַמִּצְוָ֖ה יָמִ֣ין וּשְׂמֹ֑אול לְמַ֩עַן֩ יַֽאֲרִ֨יךְ יָמִ֧ים עַל־מַמְלַכְתּ֛וֹ ה֥וּא וּבָנָ֖יו בְּקֶ֥רֶב יִשְׂרָאֵֽל
Devarim Chapter 17:19
VeHayta imo ve-kara bo kol yamei khayav le-ma'an yilmat le-yir'ah et Adonai Elohav lishmor et kol divrei Ha-Torah Hazot ve-et Ha-Khukim ha-ele Le'asotam:
Devarim Chapter 17:20
Le-bilty rum levalo me-ekhav ulebilty sur min ha-Mitzva yamin u-shmol le-ma'an ya'arikh yamim al mamlakhto hu ubanav bekerev Israel:
Devarim 17:19
Hichi sutdohsa lekhabu hi amatoh kivop jing jieng ding, aman jong ahinkho sung a anisih le asim jing ding, Pakai a-Pathen ginji kihil hil jeng, hichi daan thu kisei jouse leh chonna dan jouse anit jing ding, natoh na a jong apoh doh thei ding ahi.
Devarim 17:20
Chuti hen lang hileh ama lungthim jeng jong chu asopite chungvuma kichoi sang theilou ding, chujongleh thupeh akon jong jangkei'a che a ajet aveiya kiheidoh deh louhel ding ahi; hiti hileh Israel lah a ama ahin achate ahiuvin agampoh aleng gamsung thu nei sot thei diu ahiye.
______________________________