Mattot

בס״ד

Parashat Mattot

________________________

Dinei Nedarim/דני נדרים

Tuchung Parasha api pen leh akisei masapen chu kitip/kihahsil (Vow/נדר) chung chang ahi. 

Mihiem khat chun kitipna amoh nei nei lou ding ahi. Kitipna nei a, akitip na subulhit-lou pachu amaleh ama chemjam (Sword/חרב) a kisun tabang ahi. Amaleh ama akipal nading akibol ahi.  Ahin, Juda mikhat chun kitipna aneithei nading dinmun 3 a um e. (Akitipna asuh bulhit jou ding lebou)

1. Mikhat chun chonset na (Sin/חטא) anei tah leh, akisem thah a Tzuva (Repentance/תשובה) abol thei nadinga kitipna anei pachu akhoh na aum poi.
2. Mikhat chun mitzvah bol thei nading opportunity anei tahleh, opportunity pa amansah nalou ding achu kitipna anei thei ahi.
3. Yakov avinu akon chondan khat chu, mikhat chun hahsatna atu teng kitipna anei thei ahi.

Example - Mikhat chun natnalen tah khat nei taleh, Pathen kom a hichi natna akon nei dam doh sah le Tsuva kabol ding ahi tia kitip nanei.

Hattarat Nedarim/התרת נדרים

Mikhat chun hetlou'a kitipna ananei khah tah leh Beith Din in alhaplhah pih thei e. Hichi kitipna kilhaplhah nachu Hattarat Nedarim akity.

Hattarat Nedarim hi beith Din tilou koi dang in abol thei um? 

• Pasal khat chun akitipna asuh bulhit joulou ding ahi tah le Talmid Chacham, halacha hetgil nanei khat kom ahilou leh Juda Pasal 3 in abol pih thei e. 

Hafara - Pasal khat in ajinu/achanu kitipna alhap pih thei nading in Torah in phalna apie e, hichu Hafara akity.

• Pasal khat chun ajinu ading a bol pih thei e, Ajinu kitipna pachu akikah lhon asuh bui thei ding ahileh. (Bamidbar 30:4-30) 
• Mipa khat in achanu kitip nachu ipi hijong leh alhap lha pih thei e. (Rambam, Hilchot Nedarim 12:1) Ahin, Mefarshim dang dang ho kesef Mishneh kity hon vang Rambam thusei chu apom pove, Apan achanu kitip nachu, achung a thil phalou alhun nathei ding dinum ahilebou alhap pih thei e atiu ve.

Hattara toh Hafara/ התרה והפרה

Hattara - Beith Din, Talmid Chacham ahilou leh pasal 3 in abol pih.

Hafara - Mipa khat in ajinu/achanu dia abol pih

Hattara pachun Kitip napachu alhemlha thengsel thei e, Hafara vang a effect akihechin poi.

Rambam toh Ramban/רמב״ם ורמב״ן

Rambam - Hattarat nedarim/Hafarat Nedarim hi Rambam in 613 mitzvot lah in khat in asim e. 613 mitzvot lah achu Hattarat nedarim/Hafarat nedarim chu jao tina hilou in, dan um, hichi dan chu Hattarat nedarim/Hafarat nedarim chung chang a jah thei tina ahi. (Sefer HaMitzvot, Aseh 95)

Ramban - Ramban in vang Hattara/Hafara hi mitzvah in asim poi. Ramban in kitipna suh bulhit thei nading in (mitzvat Aseh 94) or (Mitzvat Lo Aseh 197) achun akisun e aty. Hattara/Hafara chu mitzvah hilou, kitipna suhbulhit thei nadia hilchet na ahi aty.