בס״ד
| Parasha |
| Devarim 32:1 - 52 |
| Haftara |
| Samuel II 22:1-51 |
______________________________
Ha'azinu kity thucheng hi ngai uvin tina ahi. Ngai uvin kitychu mi khat hilou in mitam tah kiseina ahi. Ha'azinu hi parasha min ahin, chule hiche parasha hi la (Song/שיר) tabanga akisut jeh a Shirat Ha'azinu tin aki minvo e. Shirat Ha'azinu hi Moshe in athi nikhuo a asut ahi.
"Shirat Ha'azinu le Moshe Rabbeinu toh kikhen na"
Tuchung parasha kichai na ahin, Pathen in Moshe chu agam veding in "Har Nebo" ah asol in chule hichilai mun achun ahinkho akichai sah dan tai.
"Hiche nikho mama chun Pakai in Moshe jah ah aseiyin : Yerikho gaal, Moab gama Abarim lhaang dunga Nebo lhaang ah kaltou inlang, Israel chate chan dia ka pieh kanaan gam chu ga galdot in chule na sopipa Aharon Hor muol chunga thi-a amite lah-a aki pui banga nang jong na kaltouna lhang chunga chu na thidena, na mite lah a kipui ding ahi tai"
"Hichi nikho mama" kity hi aledohna (Commentaries/פירושים) tam pi aum e. Ha-Aven Ezra sei dungjui in "Hichi nikho mama" kity chu Moshe rabbeinu in Am-Israel te kom'a Shirat Ha'azinu la aseini chu ahi. Hichi la hi Moshe in Am-Isreal te Eretz Israel alut masang chet uva asei ahi. Moshe in adinna mun akon ahung kum lhah masang achun thil khat jong aseibe in ahi.
"Tunia na jah uva ka thusei haw hi na lungsung un ki chinphat unlang, na chate'u in daan thu haw ajui theina diuvin hilchah un. Ajeh chu hiche thu hi a hawmkeo ahi puo'n, na hinnanu ahi. Hiche jeh ahi Jordan gaal kaiya na gal luo diu gamsunga chu na chen sot thei diu ahi"
Moshe in Am-Israel techu Torah dan jouse juiding, Torah hi eiho hinkho ahin, chule, leiset a hinsot nading eipeh ujong ahi tin suggest jong abol in chule gihna jong anei e. Hiche ho thucheng ho asei chai chun "Hiche nikho mama" chun Moshe che Har Nabo achun akal in Israel gamsung achunlut thei tapoi. Hiche athilbol chun, athusei avetsah in ahi. Moshe in bolkhel anei jeh a Pathen in Agam alutsaha lou bang achu Am-Israel te injong Torah toh kituh lot thil abol khah ule Pathen in gotna apeh diu ahi (Moshe dia agam lut lou chu gotna ahi banga). Moshe in athusei chai chai a Har Nabo akal chu Am-Israel ten amu uva, eiho jong Pathen dan thupeh init lou ule Moshe gotna chan tabang a eiho chunga jong gotna chu thei ahi ti ahet nadiu uva Moshe in agih chai chai a Har Nabo kal ahi.
______________________________