Ekev

  בס״ד

Parashat Ekev  

_{_____________________________} 

Introduction/הקדמה

Parashat Ekev hi ipi seina ham?

Ekev kity thucheng hi aledoh dan jat tam tah aum e. Ekev hi la'akov tina ahi. La'akov chu juiding tina ahi. [La'akov - to follow] 

Rashi in Ekev (עֵקֶב) kity hi Akev (עָקֵב) toh atehkah in ahi. Akev chu khutal/kengto (Heel/עָקֵב) tina ahi. Khutal/kengto akiti jih chu, mihiem in mitzvot amuniem, akengto a achut pha ho kiseina ahi. Hichi mitzvot kimu niem ho jouse jong phatah'a ijui/ibol teng Pathen in akitepna isuh bulhit pieh diu chuleh phattheina chu ichan diu ahi. 

Gemara in hichi mitzvot kimu niem hochu Mitzvot se adam dash be-akevo  (מצוות שאדם דש בעקביו) ahilouleh Kerum zulut le-bnei adam (כרם זלות לבני אדם) aty. Zulut kity chu zol tina ahi, Zol chu manlhom.(Cheap/זול)

Content/תוכן

Parashat Ekev akon het thei khat chu mihiem khat in mitzvot chu ahet kiu hilou in, ajuia, abol teng lebou Pathen in akitipna pachu isuh bulhit pih diu chuleh phatthei nachu ichan diu ahi. 

 דברים זי:ב

:וְהָיָ֣ה | עֵ֣קֶב תִּשְׁמְע֗וּן אֵ֤ת הַמִּשְׁפָּטִים֙ הָאֵ֔לֶּה וּשְׁמַרְתֶּ֥ם וַֽעֲשִׂיתֶ֖ם אֹתָ֑ם וְשָׁמַר֩ יְהֹוָ֨ה אֱלֹהֶ֜יךָ לְךָ֗ אֶת־הַבְּרִית֙ וְאֶת־הַחֶ֔סֶד אֲשֶׁ֥ר נִשְׁבַּ֖ע לַֽאֲבֹתֶֽיךָ

Devarim Chapter 7:12

Vehaya | Ekev Tishme'un et hamispatim ha-ele usmartem va'asitem otam ve-samar Hashem eloheikha lekha et ha-brit ve-et hakhesed asher nishba la'avoteikha:

Devarim Chapter 7:12

Hichie daan thupih ho hi na ngaiyuva, na bol tiengule Pakai in napu napateu kom a akitipsa bangin athupih le angailutna gel jing intin:

Tuchung Parasha ahin Moshe in Israel chate kom a Mitzvot aki suhbulhit teng hichi leiset a lolhingna (Prosperity/הצלחה) ichung uva lhung ding ahe tin kitip na anei e. Israel chaten Moshe kom ah "Pathen in itih phatleh mitzvot suhbulhit man ipih uham" tin adong uve. Moshe in ahilchetna hitin api e, Hichi leiset (Olam haze) ahin tohphatman (Reward/שכר/Sakhar) neocha bou kimu ahi aty. Mitzvot suhbulhit na tohphatman kity hi olam-haba a muding pa kiseina ahi. Chuleh tohphatman muding kity hi Pathen chunga tahsanna nei ding ahi. Tzaddikim ho bon tahsan aum thei uleh Pathen chu tahsanding mong ahi. Tzaddikim ho kitah dan chu Midrash in atekah na hitin api e. 

Sumkolvei mi 2 in Rabbi Pinchas ben Yair kom a suhlouchang gehu (wheat/חיטה) bag neocha adalha hon in ahung nung kile lhon tapoi. Chang tuphat ahi phat in Rabbi Pinchas in a-gehu lhon chu atu in, alou ga jouse chu akhol tup tai. Kum 7 jou in sumkolvei teni chu ahung kinung le hon in Rabbi Pinchas kom ah suhlouchang adalhah honchu ahung hol hon in chuin Rabbi Pinchas in atudoh jouse  kikhol tup chu avetsah in, hichi hi nathil dalhah hon akon hung pot ahe tin abon a anung pih in ahi. Chibang achu Mitzvot ibol'u jouse hi Olam haba a neh ding a chang kitu tabang ahi chuleh, hichi leiset Phattheina (Blessing/ברכה) kimu ho hi, mitzvot bol be thei nadia bonus ahi. 

Birkat Peretz - Ipi jih a tohphatman chu (Reward/שכר/Sakhar) Olam Haba khel khel a kimuding ham? Ajih chu Pathen in mihiem akitahna (Loyalty/נאמנות) apatep num jih ahi. 

Mitzvot 

Parashat Ekev sung ahin Mitzvot 8 a um e.

Mitzvat Birkat Hamazon 

Neding kity hi athupi dan Birkat HaTorah sang ajong thupi jo ahi. 

משנה אבות פרק ג משנה יז

 אם אין קמח אין תורה אם אין תורה אין קמח

Mishna Avot Chapter 3 Mishna 17

Im ein kemakh ein Torah im ein Torah ein Kemakh  (Kemakh - Flour) (Flour = Bread)

Mishna Avot Chapter 3 Mishna 17

Changlhah a um louleh Torah umlouding, Torah a um louleh Changlhah um louding. (Changlhah - ann)

Achung a Mishna in ahilnom chu Changlhah/Ann poimo dan chu Torah toh thakhat a kitekah ahi ajih chu mihiem in nehding aneilou leh Torah ajil thei lou ding ahi chuleh Torah aumlou leh leiset a nehding umlouding ahi.

Birkat Hamazon hi 4 in akihom khen e:

• Birkat Hazan - Moshe in gamthip a nehding mana (מן) akhih achu hichi thangvah nahi ahinpat doh ahi. Israel chate in Egypt a na hatoh a anatoh vang uvin neh ding anieng poi, Gamthip a na atong tapove ahin Pathen in Mana nehding niengsel in api uve. Hichi akon het thei chu mihiem in anehding ngaito nan na hatoh jongleh, neh anei aneilouding Pathen khut a kingai ahi. 
• Birkat Ha'eretz - Agam thangvah na. Hichi thangvah nahi Yehoshua in Israel chate agamsung apui lut achu anpat doh ahi. 
• Birkat Yerusalayim - Jerusalem a chamna aum nading. Hichi thangvah nahi Leng David leh Shlomo in ahin patdoh ahi. Hichi thangvah na isei uhi ikhang uva Jerusalem hung kitun doh kit nading jong ahi.
• Hatov VeHametiv - Hichi thangvah na, ali chan nahi Khakhamin ten ahin pat doh'u ahi. 

Birkat Hamazon hi Pathen in nehding (hin na) apih jih a thangvahna kinei ahi, Thucheng jouse chu thanom tah le kipah tah a aseiding ahi.

רות ג:ז

וַיֹּאכַל בֹּעַז וַיֵּשְׁתְּ, וַיִּיטַב לִבּו

Ruth Chapter 3:7

Ve-vokhal Boaz Va-Yesht Va-yitav libo

Ruth Chapter 3:7

Chuin Boaz chun ann neh le twidon abolsoh phat in alungthim akipah e.

משנה אבות פרק שלישי משנה ד

רבי שמעון אומר: שלשה שאכלו על שלחן אחד ולא אמרו עליו דברי תורה, כאלו אכלו מזבחי מתים, שנאמר (ישעיה כח:ח), כי כל שלחנות מלאו קיא צואה בלי מקום

אבל שלשה שאכלו על שלחן אחד ואמרו עליו דברי תורה, כאלו אכלו משלחנו של מקום , שנאמר (יחזקאל מא:כב), וידבר אלי זה השלחן אשר לפני ה'

Mishna Avot Chapter 3, Mishna 4

Rabbi Shimon omer : Shlosha se-akhlu al sulkhan ekhad velo amru alav diverei Torah, Ki'elu akhlu mi-zivkhei metim, She-ne'amar (Yeshayahu 28:8) Ki kol ha-shulkhanot mal'u ki tzoa bli makom. Aval Sholosha se-akhlu al shulkhan ekhad ve-amru alav divrei Torah, Ki'elu akhlu mi-shulkhano shel makom, She-ne'amar (Yekhelzkel 41:22) Vaidaber alay je ha-Shulkhan asher lifnei H.

Mishna Avot Chapter 3, Mishna 4

Rabbi Shimon in hitin asei e : Mi 3 in table a ann aneh khom uva, Torah thu aseipuoh lou uleh, milim siemthu mai a kilhaina ann ne tobang ahiuve. Hitin anakisei in ahi : Table jouse chu luoh leh nen dimsuh in ahi, Munjouse a umpa chu (alunggel uvah) aumpon ahi (Isaiah 28:8). Ahin mi 3 in table a ann aneh uva, Torah thu a akihoulim uva ahileh, Pathen toh table khat a, Pathen mai a ann netabang ahiuve. Hitin kakom ah anasei e : Hichi  table hi Pakai masanga um chu ahi. (Ezekel 41:22)

Juda mi 3 in table khat a anneh aneh a Pathen thu (Dvar Torah/Divrei Torah) asei lou leh athil neh namun uchu abuh dan milim siemthu houho kithoina ann netabang ahiu ve. Ahin, Pathen thu akisei teng aneh namun'u theng thou danchu Pathen mai a, Pathen toh table khat a nekhom tabang ahiuve. Rabbeinu Ovadia in hichi Pathen thu kisei pahi Birkat Hamazom isei teng, Pathen thu kisei a akisim e aty. 

Mitzvat Le'ehov et HaGer

Tuchung parasha (Devarim 10:19) ahin, Giur bol khat lungset ding akity. Koi ham Giur bol mi chu? Giur bol michu Ger akity in, Ger kity chu gentile anahi, tua Juda kisuh mi ahi. Ger khat chu innkuo, sopi neilou, aum khah lou namun a um tabang ahi. Egypt gam a eiho dinmun tabang achu ahi. Egypt a Pathen in eiho ina-lungset le khutuo bang uchun eihon jong Ger khat chu ilungset diu ikhutu diu ahi chuleh Ger khat chu achisa hinkho chanchin sei kit phal ahipoi. Ger kiu hilou in mihiem khat chu khatvei dinum hoilou/phalou a ana um a atua akisiem thah leh, achisa ahina achu vel hou chu phal ahipoi ajih chu hichi kivel sei pachun alungthim asuh neo a, akisiem thah na akon avel sot lhah thei ahi.

______________________________