Balak

בס״ד

Parashat Balak

_____________________

Intro -  (Parashat Chukat) Am Israel ten Emor mite toh kidouna gal ajou uvin, Moab mite akicha tauve.

Tuchung Parashat Balak ahin Balak kity pa, Moab lengpa in, Bilam chu Am Israel te sapset ding in akou e. 

Balak Lengpa

Balak hi leng ahi kiu hilou in Doithem (Superior magician/ראש הקוסם) jong ahi. Amin jong  Balak-ben-Tzippor tin aki minvo in ajih chu Balak in adoithu (Kochot Ha-tuma כוחות הטומאה) mangcha a vacha septhu apao sah thei in, hichi vacha chu apao thei teng ahet nom thuguh jouse asei pih thei e. [Tzippor - Vacha]

Vacha asem dan : 

• Vacha lu (Head/ראש) chu sana in aseim in
• Amuh (Beak/מקור) chu dangka in aseim e
• Alha (Wings/כנפיים) chu sumeng in asem e
• Alei (Tongue/לשון) ding in vacha tah lei ala in atu pih e
• Ni 7 jou teng hichi vacha chu sana hieu (Golden needle/מחט זהוב) in asun in apao sah thei tai.

Balak thep na khat kitchu, migaosep nading phat chet ahe e. Hichi phat ahi igaosep ale a affective  pen e tichu ahe e.

Bilam Themgao

Bilam hi gentile te themgao nasatah, abol thei najong Moshe Rabbeinu level ahe. (Mefarshim khan khat sei dan in Moshe sang a jong abol theina sangjomei thei ahi) Bilam in mi sepset ahilou leh phathei abuh jouse gui lhun jih in Leng munchom chom akon hon sum in misapset din agui ji uve.

Balak le Bilam (Collabration/שיתוף פעולה)

Balak hi lekhathem mihil thei lou tabang, Bilam hi lekha helou mihil thei na talent nei tabang ahi. Ani hon a aki suh tu teng lolhin napa amu thei nading dinmun chu asang e.

Balak in Bilam kou 

(1st) Balak in Bilam chu akou din mi asol in ahin Bilam in Pathen kadoh ding eiphal le bou kahung ding aty. Ajan mamachun Bilam in Pathen ahou pi in Pathen in aphal poi chijih chu Bilam achi tapoi.

(2nd) Balak in Bilam ani vei chanan akou in asum mu ding jong atam sah cheh tai, Bilam in Pathen adong kity in avel in Pathen in condition khat in phal na api e. Nachi ding, ahin, Am-Israel te nasap set thei lou ding ahi aty. Bilam in Pathen in alung akhel a isol bang in alung hin khel kit intin Am-Israel te sap set ding hin phal kit nan te tin agel e.

Bilam chu Balak kom jon in ache tai

Bilam in ache chun Am-Israel te sap set ding lungel anei jih in Pathen in vantil anasol pih in. A sangan (She-ass/אתון) chun Vantil in lampi atin amu in akicha in lampi dang ajon kigu tai, Bilam in asangan chu ajep in achi sah kit thou thou e. Hiti chun thum vei jen sangan chu aki chan in aban achibe ngam poi. A thum vei nachun Pathen in sangan chu apao thei sah in sangan chu Bilam kom ah "ipi ding a 3 vei jen kathuh ham?" tin adong in e. Akou a hungpa, aki lhonpi pa Moav lengchapa chun sangan pao thei amuchun kidang sa lheh e. 

Moav lengpa chapa -  Ipi  ding a nathu ngai lou sangan nan ki pui ham? 

Bilam - Kei a ahipoi mi a kan jah ahi.

Sangan - Nang a kahi e.

Bilam - Hichi sangan hin mi apuh khahl ou ahi tin Moav leng chapa kom chun asei e

Sangan - Kan puh puh kom chula.

Bilam in ajachat man in khat vei bou nei pu kha e atin asei e. Sangan chun, khat vei bou ahipoi kapu pu kom e aty.

Bilam chu Moav leng chapa masang chu ajah cha lheh in ahi.

Mussar  - Khazal in hitin asei e Sangan mei mei in bon themgao len tah jumna apih thei le, Thutan niteng Pathen kom a ichan a najahcha ding ham ti gel in.

Bilam chu Balak kom alhung tai.

Bilam chu Balak kom alhung in, Balak in Am-Isreal te sapset nading munchun apui in asapset gut len akam akon Bracha joh in ahung pot e, Hiti chun 4 vei agong lhon in asapset gut cheng leh Phatthei najoh akisuh ji in ahi. Bilam in Am-Israel te asapset doh lou phat in achonset nading uvin Moav numei ho amangcha lhon in Israel te achon set sah tai.

Pirkei avot in hitin akisei e Thil 3 nanei le Avraham student a nakisim, Ahin adang thum ho nanei kit le Bilam Student a naki sim kit ahi.