Torah jil khat chonding dan

בס״ד

_____________________________

Tuchung Toldot akon Yaakov avinu Torah jil pot-tho dan ihet utoh kilhon in Torah jil khat umchan ding dan ana sim ute. Inn sading hon asah pat masang uva Blue print a a'inn umding dan plan anei masat bang uvin. Torah ijil uva pum pot a ipot tho uva, ingol sim sim sang uvin amasapen in ipi dinga Torah kajil ham ti pahi he them masapen ute. 

Hagaon Me-Vilna (Eliyahu ben Solomon Zalman) kom a hitin thudoh ana nei uve. "Leiset a mihiem hung pien lo napen ipi ham??" Aman hitin adonbut e : Umchan suhdih nading ahi aty (Tikkun Hamidot). Thudong hochu alung'u adong lheh e. "Aleh Torah la? Mitzva la??" tin ale doh uve. Aman hitin asei e Torah le Mitzva hi iumchan siem phat nadinga jahding manchah (Tool/כלי) ahi aty. 

Hagaon Me-Vilna koi ham? Amahi a Torah hetgilna atepi ding bei hil khat ahi. Achih dan chu akhangmang kisan ah question dong leu chun, hoilai masekhet ham, Hoilai Daf ham, hoilai amud ham abon a  nan hilchet theiding ahi. Achih dan ihet them thei nadiu uvin athil bol khat sim ute. Rabbeinu Eliyahu in hitin ana sei e Bereshit (בראשית) kity thucheng khat akon thiljouse mudoh thei ahi aty. A student khat chun hitin ana donge "Bereshit" akon thiljouse akimu thei leh "Pidion HaBen" ipity kimudoh thei ding ham???

Adonbutna - Ben Rishon Akharei Sloshim Yom tafde. 

Torah kajil lou vangin kaum chan apha lheh e, ti jong chu thil hithei ahipoi ajih chu Torah akon umchan pha kijil doh ahi "Talmud Gadol se haTalmud mevi lidei ma'ase" Torah jil lou khat chun kapha lheh e tijongle aumchan (Midot) dihlou tam tah tikkun bolding akihet phah lou ding ahi. Torah jil ding, ijil doh dungjui a chonding hichi chu apha pen ahi. 

Natoh le Torah jil - Natoh kity jong hi neh kiholna ahijeh in thil poimo tah ahi chuleh Torah jil kity jong hi alou thei lou thil khat ahikit e, ihet them thei nadiu in hitin sei ute. 

• Natoh chu leiset a nehding um nading, neding aum le mihiem hing ding Torah ajil be theiding, Mitzvot ajui be theiding
• Torah kijil hi umchan kisiem phat nading, umchan pha inei teng Hashem toh kinai thei ding chuleh Olam Haba a atoh ga asanding. Hijeh achu ani a poimo ahi "Im ein Kemakh ein Torah, im ein Torah ein Derekh Eretz" 

Torah jil kity hi Yeshiva a gatou'a jilpa khel khel bouchu ajil akity poi. Natoh toh Torah jil kop jong ajil ahi thou e. Nikhat a pung kal 1, pungkal 2 inn a Torah jil jong thil pha tah ahi.  

Torah hi ajih (Reason/סיבה) dih chetpa jih a ijil ding ahi, Min phat dei man a jil ding jong ahipoi. Antignos, in hitin asei e : Suoh in kipaman adeichat jeh a naa atoh bang hi hih'u vin, hinlah Suoh in apupa naa kipaman deichat jieh hilouva apupa ngailutna jieh a na atoh tobang hiuvin, chuleh Vaan Pathen giina chu nachung uvah umjing hen" "Al tihiyu  keavadim hamesamsin et ha rav al manat lekabel pras,ela hevu keavadim hamesamsin et ha Rav shelo al manat lekabel pras,vihi mora Shamaim" Torah jil bang khat in ahetnapa mi hil sang in show off bol naleh kihisah nan amang uve khan kan dih dih in minil nading, mijumso nading in amang uve.  Rabban Yochana in hitin asei e "Torah dan tampi nahetjeh in nangma kichoisang hih in, ajeh chu hichi ding jeh a hung kisiem nahi" "Im lamadta Torah Harbe, al takzik tova le'atzmekha ki le kakh notzarta" 

Torah jil kity hi theory a moh het het ding hilou in reality a apply bol ding a ngai e. Torah jil pontho a umchan pha/Drech Eretz nei lou chu - Lekha sim sim kom a exam hall ga pha kha mong mong lou tabang ahi. Ahilou leh Pen mantah tah nei a exam a sutding neikha mong mong lou mi tabang ahi. Rabbi Eleazar in hitin asei e "Koi hijongleh anatohdoh sanga achihna lenjo chu ipi tobang ham? Ama chu thingphung, abah tamtah, ajung lhawmcha nei tabang ahi : Hui ahung nung in, amutlhun ajungho jong amutdoh suh in ahi." "Kol se khokhmato meruba mi-ma'asav, lema hu dome? Le ilan se'anafav merubin ve sorasav mo'atin, veharuach ba'ah ve'okarto ve hofakhto al panav" 

________________________