Emuna Chapter 3

בס״ד

Emuna 

Chapter - 3

  __________________________

Taona

Pathen in mihiem asim lo najih chu ama toh kiheding chuleh kigui jop ding ahe tichu ijil doh tau uvin, aleh itih kigui jop ding ham? Emuna dihchet nei a, Taona (Tefillah) mangcha a Pathen toh kigui jop mi. Hichi tabang mi chu athumna Pathen in adonbut ding ahi. Ahin, mi khat chun hou nading in tao leh, amadia housat nachu aphat lou ding leh Pathen in ataona pachu thil dang joh a phat thei abuh ding ahi. Rabbi Natan in hitin asei e Mihem in hahsatna na atu teng het masat pen thei chu Taona aman khah lou ham, ahilou leh aha man lou ham.  Taohat mi napachu Pathen in ataona moh seh in akoi poi. 

Midrash (Yalkut Shimini 31) in hitin asei e Pathen in Moshe Israel gam lut sah lou ding aty chun, Moshe in 515 vei taona amang e. Pathen in ataona chu angah sah e ajih chu khat vei tao be leh Pathen in athusei pachu akhel ngai ding, alut sah ngai ding ahi. Hichun avet sah chu Taona pachu iha man phot phot leh aga pachu apet pet in kimu hih jongle phat khat le aga kine pha thou thou ding ahi. Ka taona Pathen in asang poi tia kinep lal lou ding ahi. (Gemara Masekhet Brakot 10a) Ben Amotz in hitin asei e ilolchang ah chamjam him in kisutu tajongleh pathen heng a kineo napachu lhasu lou ding ahe aty.

Achung a Rabbi Natan thusei chu,  Taona mang hat, sakho ngailu mi hon jong vangset na atu khula tia igel mei thei u ahi ahin, achung lang a ijil doh dan uvin in thiljouse ajih nei a um ahi. Mihiem tahsa bukimlou a hung pien kisan ama dia phat chom najih khat nei a Pathen in abol peh ahi.

Thusim (Tikkun haNeshama)

Nupa kicheng thah ni ana um e.Ajinuchu numei nunnem tah leh kituptah ahi, Aphat ong neijouse Tehillim sim na amang ji in ahi. Ajipa chu sumkol vei mi, mibui tah ahi. Ahin, Taona a mang jing in chuleh Torah jong ajil jing e. Amani nupa hin hahsa le genthei ho din jong  Chadaka (Charity/צדקה) abol jing hon in ahi.Thilpha bol na ngan in adim hon e. Akichen til honchun kipana leh lunglhei na ngan in adim in ahin, chomkhat jouchun Vangset na antuh lhon tai, Acha masa pen kum 3 chu min ana that e. Mipi jouse alung dong uve, ity thilpha bouset a kimang chate chunga hitabang vangset na len tah suh ham tin agel uve. Ahin Nupa teni in vang Emuna sang tah anei hon in, Pathen in thiljouse ajih nei a abol ahe ti atah san hon in apuh gihna hon chu ichan ham khat in ajang e.

 Chomkhat jou in vangset na len tah khat atuh kit hon in ajipan dammo na anei in athi kit tai. Ajinu alung aneo mama tan Emuna jong alha sam lheh tai. Ajipa thi kal kum 3 ahung lhing tan ahin ajinu'n apul adou nalai e. Achapa in anu kom a Chachamim ten puldou phat jong apih ahin, napuldou asot val tai aphalou cheh hung suh thei ahe tin asei peh in ahi. Chi jan ma ma chun kisim thah ding aki gel lha tai. Ajan chun amang a hun (Graden/גן) len tah khat ah aum in tehse khat ahung in najipa naki mu pi nom um tin ahung dong e, amanun henge atin, ajipa vedin ache lhon tai. Alhun hon in munkhat ah Tzadikkim, torah het nanei sang tah hon mi khat torah hil ana ngai uve. Ave in ahileh Torah hil pachu Ajipa ana hi. Mi kichai nung in ajipa houpin din ache tai. "Ipi ti naleiset hinkho a sumkol vei mi hia Tzaddikim len tah tah ho Torah nang in nahil thei ham?" Ajinpa adonbut in - kapieng masat chun Torah hetgil nanei mi kana hi. Ahin, ji kana nei man lou jih in kachan mun di pachu kana chang thei lou jih a kahung pieng kit a nang toh kaki chen a, ichate hon Torah lam a kapui hui a hichi kabol vat pachu kasu bulhit lhit a kathi ahi aty. Ajinun adong kit in ale ichapa kum 3 a athi chu ipi jih ham aty. Ajipan asei pihkit in ichapa lhon jong apen masat chun Tzaddik khat ana hi. Ahin, kum 3 alhing masang chan chu ankivahnu (Gentile numei) noi achep khah jih a alhagoneo cha asuh buh jih achu Juda numei khat sung a pien dia hung thah pien ahi, nang cha in ahung pieng e. Abol vat pa asu bulhit jiuchun kum 3 alhin chet in, athi tai . [ipi ti dan a  gentile nu noichep khah jih a alhagao bui pha ham? Ajih chu tzaddik khat chu thil neocha abol dih lou a um jongle Pathen in amuthei dih set ahi. Example -  Songkhol kang (White shirt) chunga thil neo neocha amat jongle kimu pei tabang ah Tazdikkim te Neshama chu athen thou dan Songkhol kang tabang ahi.]

____________________________