בס״ד
Hankhayot
״במקום דשכיח היזיקא גם שלוחי מצוה ניזוקין״
_____________________________
Minyan a tao hi mitzvah lientah ahi in chuleh Rabbi Elazar in hitin asei e “Shlukhei mitzva einan nijukin - Mitzvah bolna/bolpet a aphatmo na aum poi” hijong leh gemara in hitin asei e “Heikha diskhikha hejeka - Thil kichat umna mun ah vang ajatchom kit e" ati. Mitzvah bolna/bolpet injong thil phallou asuoh thei e, Pathen in thil kidang hinbol nante tia gellou ding ahi. (Devarim 6:16) "Pakai na Pathen chu patep hih un." Pathen in David thao nupieh dinga Shamuel Themgao asol achun Shamuel in hitin asei e (Shamuel I 16:2) "Shaul in jadoh le eitha lo ding iti kachie thei ding ham?" ati. (Masekhet Pesachim 8b)
Chachamim ten hitin anasei uve : Hou guttah mi khat ana um in ataopet in hegmon khat (Officer khat) in ahin jonpa in chibai (Greeting) abol in hinlah khatpan adon poi. Hegmon pan (Officer pan) atao chai a'ngah doh in hitin asei e "Nakan-natna aum poi nang leh nang hinkho naki suoh danger e, nuom leng katha thei nahi." Torah in (Devarim 4:9) "Phate chan ching thei in lang nalungthim le nalhagao ching thei tah in um jing jengin" ati hilou ham? ipi dinga nahinkho danger aum na kisan a nanah sah lou ham? Chuleh Torah in (Dervarim 4:15) "Nangma nangma cheh phaten kigin them uvin" ati hilou ham? (Masekhet Brachot 32b)
Tahsa dam le bit a aum hi Pathen lampi ahi, ajieh chu adamlou khat in Pathen thu ahethem thei po/ahol thei poi hijieh achu mihiem tahsa suosie thei jousie akuon kivendoh ding angai in chuleh tahsa dinga pha leh suo dam thei thilho lampang a kipui huoi a ngai e. (Kitzur Sulchan Aruch, Siman 32)
Rabbanim lien tah tah hon jong minyan kisan a tao khom lou ding tin asei tauvin chuleh Yeshiva leh Kollel hojong akikha tah leh kal ve khomer tehillim chu minyan a simding khova aumpoi, chang cheh a jong sim thei mama ahi. Yeshiva students hon jong “Bitul Torah” ahi nalou ding in a achang cheh uvin in ah akijil/kisim uve.
_____________________________