בס״ד
_____________________________
Bo kiti hi "Chie/Hung" tina ahi. Pathen in Paro hienga Moshe asol kiseina ahi. Bo kiti thucheng hi hebrew ah בא tin akisun e. Bet (ב) hi 2 ahin chuleh Alef (א) hi 1 ahi, akigop leh 3 ahi lhone, avetsah chu Parashat Bo ahi gotna 3 um tina ahi. Parasha masa (Parashat Vaera) achun gotna 7 aum in chuleh tuchung parasha (Parashat Bo) ahin gotna 3 aum e. Akigom a gotna 10 - Eser Makot Mitzrayim
(Shemot 10:1 - 20)
Pathen in Paro gih din avel in Moshe asol kit tai. Moshe in Paro heng ah “Mikhat chun jin anei leh, a jin te kin abol ji in ahi, nang in vang Bnei Israel te na gamsung in nakou in nangma kin nabol sah e.” ati in chuin hitin agih e “Khaokhuo te’n na gamsung leisiet kimu louva a tuom suoh diu, giel in a selih moh sie thingphung geiya a neh chai diu ahi”. Hitia asei chai chun Moshe le Aharon in akigel nadiu phat apie lhon in adalha tai. Moshe thusei chu Paro lhachate’n atahsan uvin, chuin Paro jah a “Itih chan geiya hichie pa hin ei lungjin sah jing diu ham? Pakai a Pathen’u ga hou dingin amite soldoh tan” atiuve. Moshe le Aharon chu anung kou kit uvin ajah lhon a Paro in, “Na Pathen’u kin gabol tauvin. Koi ham achie doh ding ho?” tin adong e. Moshe in adonbut in “Pasal, numei, chapang chuleh kaganchate’u puom a kapot diu ahi” ati. Paro in “Ipi dinga chapang ho kisan pui ngai ham? jamdoh ding nakisah’u hibou inte” ati in anuom kit tapoi. Moshe in a tienggol ajap in, apet pet in huipi ahung nung in, jan takah in anung e. Pathen in teshuva abolman nadiuva apet pet a gotna chu apieh pei lou ahi. Khaokhuo umding chu Egypt mite'n kichatna anei beh set pouve ajieh chu gotna masaho jieh a nehding ahah in, khaokuo chu neh ding in angaituo uve hinlah Pathen in khaokuo hochu thih (Iron/ברזל) bang in ha (Teeth/שניים) aneisah in, bongchal bang in ki (Horns/קרניים) aneisah in, keipi bahkai bang in atin ahim sah in chuleh mulaopi (Eagle/נשר) bang in lha anei sah e. Achil (Saliva/רוק) ujong poison tobang ahin chuleh avat khum jousei athi pei pei e (מדה״ג י, יז). Khaokhuo hochu akipapsie uvin thingphung, hampa hobou aneh‘u kiu hilou in avon’u leh suongmantam a kisiem thil hojong ane uve.
Ipi dinga Pathen in hitia gotna apieh ham? Bnei Israel te chang tu dinga namphu a asol jieh uva midda-keneged-midda khaokhuo ten chang jouse aneh chai’u ahi (שמו״ר יג, ו). Paro in Moshe le Aharon hienga “Na Pathen’u le nangni masang ah ka chonsie tai! Tuchung hin nei ngaidam lhon inlang, hichie thina hi nei lah mang pieh din Pakai na Pathen kuom ah ei tao peh lhon in” ati. Moshe in atao pieh in, Pathen in lhumlam hui hat tah in ahin nunsah in khaokhuo te aboncha uvin twipi san (Yam Suf/ים סוף) sunga ah alhoh lut tai. Paro alung atah kit in Bnei Israel te asoldoh dih poi.
(Shemot 10:21 - 29)
Ki gihna um lou in muthim gotna in aban ahin jom pei tai. Hichie gotna hi ni 6 ahi. Ni 7 chan nachu Egypt mite’n Bnei Israel te twipi san (Yam Suf/ים סוף) a ahin del (Chase/ירדפו) tieng ule Pathen in jah dinga akhen doh ahi. Ni 6 lah a ni 3 masapen ho achun, mu athim vang in Egypt mite chu achat le le thei nalai uve. Candle avah ujongle avah chuom poi. Hichi nikho 3 masapen hosung achu Pathen in Bnei Israel te lah a tahsan na nei lou holeh Egypt a umdan a dinmun lien tuhding guo ho sisie athi sah e. Muthim sunga athi sah jieh chu Egypt mite’n amu lou nadiu ahi. Ni 4th apat ni 6th chan achu mu hathim in athim in Egypt mite chu chat thei louin aum um nauvah aum dan tauve. A insung uva mi lut jong aja uvin, mi cha na golgin jong aja uve hinlah khu amulou jieh uvin ima alo thei pouve. A insung uva chat hochu Bnei Israel te ahi, anei leh agou ho’u a koina jouse ahet nadiuva agavet lhah’u ahi. Egypt ada lhah kuon tieng uleh Egypt mite neilegou ahin thum tieng uleh Egypt mite’n “Kanei pouve!” tia akilep thei nalou diuva akoina’u mun jousie aga vet’u ahi. Ipi dinga Pathen in hitia gotna apieh ham? Jan an (Supper/ארוחת ערב) aneh tieng ule Bnei Israel te luchung’a candle atung ji uvin achaloh uleh chemchan asat lih pei pei jiuve, hijieh achu midda-keneged-midda Pathen in muthim aum sah a ima mulou a aum u ahi. Paro in Moshe kuom ah “Ka kuom apat potdoh inlang, ki chihthei in kamai jong mu kit tahih in, kamai na mu ni chu nathi ni hiding ahi” ati. Moshe’n abonbut in “Nasei dih e, na masang a hung vel kithah taponge nang joh kakuom a nahung ding ahi” ati. (שמו״ר יד, ד ע״י)
Note - Bnei Isreal ten muthim sunga Egypt te nei le gou koina ho aga vet vang uvin koiman ima akilah poi, a’umna hetna ding mei mei a aga vet u ahi.
(Shemot 11:1 - 12:36)
Moshe in Paro kuom a “Namasanga hung kivel thah taponge” ati tah jieh in Pathen chu Moshe hieng ah hichi mun mama achun ahung kilah (Appeared/הופיע) in, Gotna 10th lhun nading gihna chu anei sah dan tai. Paro leng in (Palace/ארמון) chu siemthu milim tamtah um na mun ahi, hinlah Pathen in Moshe thusei suh bulhit thei nadia hichi tobang mun ajong hung kilah ahi. Moshe in paro hieng ah “Tujan khangkim tieng Egypt a pieng masa jousie thigam suoh ding ahiuve” tin agih e. Hinlah Paro in khohsahna anei poi. Jan khangkim ahung lhun in Pathen leh Thina vantil (Malakhei Hamavet/מלאכי המוות) ho leisiet ah ahung kum lha uvin, Pieng masa jouse numei, pasal, gancha chuleh pieng masapen ding anu oisunga um nalai naosen ho kisan jong asatlih tauve. Pieng masa ana thisa hojong uichante’n alung’u (Corpse/גופות) akaidoh in ane uve.
______________________________