בס״ד
____________________________
Sarah athi achun Avraham in apuna behseh in alachoi e, Hichi la chu “Eshet Khayil” kity la hi ahi. Eshet Khayil hi mitam jon Leng Shlomo sut dan in agel uve ajih chu Mishlei lekhabu (Mishlei - Proverbs Bung) sunga akimu jih ahi. Adihtah achu Avraham Avinu sut ahi. Eshet Khayil hi hetsa mabang in numei pachatna la ahi chule Shabbat nilhah sih leh kiddush a akisa ji in ahi, Ahin, atam jon a meaning ahe poi, Tuhapta “Parashat Chayei Sarah” ahi Eshet Khayil chung chang jil nadinga phat hoipen chu ahi.
Pasal atam jo in ajinu akum akum a aki cheng pi vang uvin a value helou tamtah aum e. Ajinu in ann (Food/אוכל) Five star hotel banga ahun thei lou le pahcha thei lou jong pasal atam e, ahin, Gemara in hitin asei e Numei in ajipa cha anei pih a achonset na akon (Zera le vatala) aven doh thei le amanu chu Eshet Khayil ahi. Chule hetdinga khat chu Pasal khat chun ji anei ni apat ajinu chu anu, apa, asopi jouse sanga jong amadinga apoimo pen ahitai, Gemara in “Ishto ke gufo” ati in Ajinu chu ama tahsa banga agel ding ama aki ngailut bang chet a ajinu angailut ding ahi.
Innsunga mi nu (Wife/אישה) akipa lou a alhi asu le hichi innsung achu vang umlou ding ahi. Hijeh achu pasal jouse in aji te’u akipa sah diu asuh lung lhei diu angai e.
______________________________