בס״ד
- Harav Boaz Lovoshitz
____________________________
Devarim Perek 14:21 - “Sa thikam naneh thei loudiu; na gam sunga cheng khuolgam mi vang aneh dia na pieh thei ahi, ahiloule gamdang mi kuom’a na juoh thei ahi; nang vang Pakai na Pathen dia mi thieng nahi. Keelnou sa chu api noitwiya huon lou ding ahi.”
Torah in sa halacha dunjui a kithat ahilou leh neh louding in thupieh ei pieh uve. Halacha dunjui a kithat lou sa neh ding phallou ahijieh chu eiho nam thiengthou te ahiu ve, mi thiengthou ten thil ahiding bang a kibol lou ane pouve. Eiho khang ahin, alhang pin koiman ama nehding sa akitha tapoi hinlah mitha sa akikichoh ji in ahi. Ahileh ipi ibol’u ngai am? Baruch Hashem Yehudi phatah tah Pathen gin na nei tah tah (Yir’at Samayim) inei uvin amahon halacha dungjui in sa athat uvin hichi chu akijuh ji in ahi. Eihon ibol diu chu sa ichoh cheng uleh Kosher hinam ti vet jieng a ngai e adih in safardim ten sa kosher mei mei hilou in Basar Khalak (Glatt Kosher) hinam tijong vet jieng a ngai e. Kosher kijuhna mun bou a ichoh’u angai e. Sa lekhem/pita/lafa kikah a um ho tekah nan sawarma/Snichel ichoh tah ahileh, ichohna mun achu Teudat Kashrut vet tei tei a ngai e. Tudat Kasrut chu expired ahitah jongle choh lou ding ahi, hijieh achu kasrut umlouna mun, pangal te kuom a choh phallou ahi. Anche hing ho'vang pangal te kuom ajong choh phal ahi ajieh chu hoilai kicho hijong leh kibang ahi hinlah sa vang ipi sa ham chuleh ipity kithat ham tichu akihe poi.
Am-Israel ten kum 2000 galut a aum nau sung jouse uvin sa thieng bou ana ne uve. Tunikho’n agam thieng sung a Kosher sa kijuhna mun tamtah inei uvin agam polang ho tobang in buina ho inei pouve. Yehudi mikhat chun sa thieng lou achoh ahilou leh aneh leh kathieng thou poi atina tobang ahi. Chi tobang michu gentile toh akikhih na aum poi, hinlah Kasrut hoitah a jui pachun nam thiengthou leh deilhen kahin Hashem toh kinai kahi atina tobang ahi.
____________________________