בס״ד
___________________________
(Birkat Hamazon - Mitzvat ashe mi-Deoraita)
Mihiem khat in changlhah (Pat/Lekhem) aneh jou tieng thangvahna aseiding in Torah akuon thupieh aum in hichie chu Birkat Hamazon akiti. Devarim 8:10 - “Nane in nava in chuin leisiet pha nahin pie na Pathen chu thangvahna napie” Devarim 8:10 - “Va’akhalta ve’savata u’birakhta et Hashem eloheikha al ha’aretz hatova asher natan lakh”
Birkat Hamazon hi 2 in akihom khen e akipatna Deoraita ahin chuleh akichaina Derabanan ahi. "Ve'tivne Yerusalayim....bone Yerusalayim Amen!" chan hi Deoraita ahi, chuleh adang sie Derabanan ahi. Deoraita hi hop 3 in akihom khen kit e - Birkat Hazan, Birkat Ha'aretz, Birkat Bone Yerusalayim. Derabanan hi Khazal ten ana siem'u ahin, hop khat bou ahi - Birkat Hatov ve'hametiv (Masekhet Brakhot 48b)
Gamthip a mana (Maan) ana khih achun Moshe Rabbeinu in Nusakh Birkat Hazan ana siem e. Am Israel te agam thieng ahung lut uchun Yehoshua ben Nun in Nusakh Birkat Ha'aretz ana siem e. A gam sunga khopi thieng Yerusalayim ahung kiphudoh chun David HaMelekh in Nusakh Birkat bone Yerusalayim ahin siemdoh kit e chuin Yerusalayim sung a Beith Hamikdash ahung kisah doh achun Shlomo HaMelekh in "Al ha'bayit hagadol ve'hakadosh" ahin belap kit e.
Mi 3 in changlhah ana neh na mun a "Zimun" kisei tieng leh anelou khat aga lut a Nevarekh se'akhalnu mislo kiti pet atuo khah leh Barukh umvorakh shemo tamid le'olam va'ed tia adonbut ding ahi. Barukh se'akhalnu mislo uvtuvo khayeinu tia kidonbut pet a alut khah leh Amen tia adonubut ding ahi. Mi 10 in changlhah neh namun ahileh vang Barukh elokeinu umvorakh shemo tamid le'olam va'ed atiding. (Yalkut Yosef, Siman 198, Halacha 1)
Mi 2 in changlhah ana neh jou a Birkat Hamazon seina dinga "Maim akharonim" ana bolna nuom a anelou khat aga lut khah leh, mi 3 ahitah vang uvin "zimun" aseithei loudiu ahi. Zimun sei thei nading achu mi 3 in aneh khom ngai uve. (Yalkut Yosef, Siman 198, Halacha 2)
Torah thu khat cha helou khat (Am ha'aretz gamur) chun "Zimun" a pang thei ahi, hinlah Public a shabbat palkeh (Mekhalel Shabbat be farhesia) khat vang Zimun a pansah phal ahi poi (Yalkut Yosef, Siman 199, Halacha 1)
Giur bol a cheptan (Mal) khat jong mikveh sunga alut masang sie zimun dia pansah phal ahipoi (Yalkut Yosef, Siman 199, Halacha 2)
Chapang kum 6 apat achung lang sie khat jong zimun dia pang thei ahi, hilah condition phabeh aum e chapangpa chun koi kuom a kitao ham, ipi kibolna ham ti ahe thiem ding chuleh a brakha seijie jong ahet ding. Mi 2 pilhing ahileh chapang khat in zimun lhin nadia pang thei hinlah chapang 2 mipi lhing 1 hitheilou. Chapang 1 bou hi ngai (Yalkut Yosef, Siman 199, Halacha 6)
Changlhah neh jou a Birkat Hamzon kisei masang in khut akisop kit jie in hichie chu "Ma'im akhronim" akiti. Maim Akhronim akibol jieh chu "Melakh Sedomit" kiti ana kijang in hichie chun mi mit asuh cho thei ahi (Chullin 105a, 105b) Ba'alei Tosfot seidungjui a tukhang a "Melakh Sedomit" akijah talou jieh a "Maim Akhronim" bol ngai tapoi. Maim Akronim hi "Batel hata'am batel hatakana" ham ahilouleh "Batel hata'am lo batel hatakana" ham tihi makhloket lentah ahi. Hichie tobang "makhloket" aum tieng iRav te chiepi dungjui a chi ding ahi. Maran Harav Ovadia Yosef zt'l seidungjui in bol tei tei angai e. Safardim te dinga posek hador lien pen khat ahi in ama seidung jui a chonding chu phat sah aum in ahi.
______________________________