Mitzva lesharet ba'tzava
Sepai a pan ding hi Torah akuon mitzvah lientah ahie, hichie thupieh hi abulpi (Foundation) ding in mitzvoth ni aume -
- Gal mite akuon Israel huhdoh (Hatzalth Israel)
- Am Israel te khut nuia umthei nadinga Israel gam vengtup (Yishuv ha'eretz)
Gal mite akuon Israel huhdoh/Hatzalath Israel - Torah a akisut bang in juda khat in a juda chan khompi khat thinathei thei akuon ahuhdoh ding hi mitzva ahi, (Vayikra 19:16): "Na sopikhat thina thei dinmun a ding namu leh moh vetthim hih in". Chachamim ten mishna (Sanhedrin page -ד, ה) a ana sie'u bang in mihiem khat hinkho huhdohpa chu leiseit pumpi huhdoh tobang ahi." Mihiem khat hinkho huhdoh bon hichan a lien ahileh, Am Israel pumpi huhdoh ding chu thil thupijo leh lienjo cheh ding tina ahi, hichie chu "Milchemet mitzvah" akity. Rambam in Am Israel huhdoh nadinga kisat gal chu milchemet mitzvah ahie ati (Rambam Hilchot Melachim 5:1).
Am Israel te khut nuia umthei nadinga Israel gam vengtup/Yishuv ha'eretz - (Bamidbar 33:53): "Agama chengte na nodoh uva nangho na chen diu ajieh chu nangho chan dinga agam ka pieh nahi tauve" Chachamim ten hichie mitzva liet dan hi mitzvot dang jousie toh kibang ahie atiu vin chule pikuach nefesh/thina thei dinmun a jong hichie mitzvah hi juiding hi thupi jo nalai ahi. Torah in thilkidang (Miracle) a kingap ding atipon, avetsah chun gal sat kiti hi hinkho phal ngam a pang ding/pikuach nefesh dinmun a jong pan ding phal ahi (Minchat Chinuch 425 & 604, Mishpat Cohen page - 327).
Talmud Torah hi mitzvot jousie kigom toh alietdan kibang ahi, hijongle mitzvah khat chu ibol ding aum lou tieng Talmud Torah sanga bol ahung thupie jo jie in ahi (Mo'ed Katan 9a). Hichie tobang chun Israel gamsung vengtup ding mi avat tieng Torah jil dalhah a Sepai kipang ahi.Gal hi jat ni aum e - Milchemet reshut leh milchemet mitzvah. Milchemet reshut hi tei2 ahipoi hichi dinmun avang Torah jil dalhah ngai poi ahin milchet mitzva avang mijouse tei tei ahi, Khatan (Moupa) injong a inn a dalhah ding chuleh Kala (Mounu) in jong chupah adalhah a gal sat a chie ding ahi (Rambam Hilchot Melachim 7:4)
Example Text
