Rosh Chodesh

בס״ד

______________________________

Dvar Torah

Torah in Rosh Chodesh hi Kut (Chag/חג) dang ho tobang in asim e. Temple khang lai achun rosh chodesh nileh sofar jong akimut jie. (Bamidbar 10:10) “Kipa nikho hochuleh lha thah ni a pumgaw thiltuo le chamna thiltuo ho natuo phat tieng ule sumkawn (Sofar/שופר) namut diu hichu chu Pakai in nahet jing nau hiding ahi.”

(Bereshit 1:26) Siemtil in Pathen in vah 2 ana siem in - Nisa leh lha. Lha in Pathen kuom a "Ipiti leng 2 lenglukhuh 1 kikhong thei ding ham?" ati. Pathen in lha kuom ah "Nang kisuo neo in" ati. Lha in Pathen kuom ah "Adih kasei jieh a kei leh kei kakisuoh neo ding ham?" tin adonge. Chuin Pathen in "Juda ten nangma chal dungjui a lha asim diu ahi" atin alhamuon (Console/נחום) e (Masekhet Chullin 60b)

Ipi dinga Rosh Chodesh hi numei hon aman thupi joh’u ham?

Aharon in Bongnou lim siemna dingin Juda pasal ho kuom ah (Shemot 32:2) “Najiteu, nachapate’u chuleh nachanute uvin akibao sana bilba jousie hin dongkhom uvinlang hin chom un” ati. Juda numei hon ahin jadoh uvin Bongnou lim siem nading in a’sana bilba’u apie doh nuom pouve hijieh achun Pathen in Juda numei ho hichilai leisiet leh ahung lhung ding leisiet anin tohphat ga apie in ahi. Hichie leisiet a ipi apieh ham? Lha thah (Rosh Chodesh) pasal ho sanga hoitah a anit sah e. Ahunglhung ding leisiet a ipi napieh ding ham? Lha thah banga a khangdonlai’u apiehbe diu ahi. (Tehillim 103:5) “Nahinkho ateh nung’a jong phatna’a lunglhai sahpa, chutileh muvanlai bang’a nakhandonlai thahatna napiehbe ding ahi". (Pirkei DeRabbi Eliezer 45)

______________________________

Halacha

Rosh Chodesh - Nikho thieng thou dungjui a bol phallou (Melacha/Melachot) hojong atam e. Vetsah nan, Shabbat nia ima toh phallou. Yom Tov a an hun bou phal. Chol ha-moed avang "Davar Ha'aved" ahileh natoh jong phal. Davar Ha-aved ipi ham? Natoh lou jieh a neh holna bui thei ho ahi. Rosh Chodesh hi athien thou dan Khol ha-moed level ahi.
Insung natoh - Rosh Chodesh nia natoh phal ahi, hinlah numei khen khat in natoh lou chondan (Minhag) achie pi uve. Hichi chondan pachu tei tei hi hih jongleh chiepi ahoi e (Yerusalmi Perek Kama Deta'anit, Daf 6) ajieh chu rosh chodesh hi numei ho adia nikho thieng (Yom Tov) ahi. Hinlah, washing machine a vonsop, kungsop, insung hethieng ho vang phal ahi. Nupi leh nungah ania kiseina ahi (Masekhet Arakhin 10b). Rosh Chodesh nia kivon nading ahileh khut a jong asop phal ahi.
Polang natoh - Numei khat chun a'insung neh hol nadia na atoh leh, rosh chodesh jieh a natong lou a aum ngai poi, atoh phal ahi. Adih a rosh chodesh sieh a suti alah jieh a ahung kinodoh thei ding leh atoh ding ahi (Aruch HaSulchan, Siman 417, Oth 10).
Sam le tin tan - Rosh chodesh nia sam tan, tin tan phal ahi. Hinlah, Rabbi Yehuda Hakhasid in athi masanga asut alekhabu dung jui in rosh chodesh nia sam le tin tan lou hochu achung uva bracha lhung ding ahi ati (HaTzavat Rabbi Yehuda Hakhasid, Siman 45)
Hallel - Azkenazi numei hon hallel bracha asei jiuve. Safardi numei hon vang Lel Seder Pesakh tilou in adanga jousie ah hallel bracha asei pouve.

______________________________

Summary

Rosh Chodesh le nikho dang kibah louna vetsah nading in rosh chodesh nia hi natoh hahsa tah tah bol lou in apha e. Natoh hahsah - Pun khui (Tfira) leh Moja sah (Sriga)

______________________________

Glossary

Chag - Kut.
Chol HaMoed - Kut pi leh Kut pi kikah nikho sung ho.
Dvar HaAved - Aphat cha a akibol lou jieh a buina um thei ding thil.
Minhag - Chondan.
Sriga - Moja sah.
Tfira - Pun khui.

______________________________

Calender

2020 - Rosh Chodesh calendar

Rosh Chodesh Shvat: Monday, January 27, 2020
Rosh Chodesh Adar: Wednesday, February 26, 2020
Rosh Chodesh Nisan: Thursday, March 26, 2020
Rosh Chodesh Iyar: Friday, April 24, 2020
Rosh Chodesh Sivan: Sunday, May 24, 2020
Rosh Chodesh Tamuz: Tuesday, June 23, 2020
Rosh Chodesh Av: Wednesday, July 22, 2020
Rosh Chodesh Elul: Friday, August 21, 2020
Rosh Chodesh Tishrei (Rosh Hashanah)- Shabbat, September 19, 2020
Rosh Chodesh Cheshvan: Monday, October 19, 2020
Rosh Chodesh Kislev: Tuesday, November 17, 2020
Rosh Chodesh Tevet: Wednesday, December 16, 2020

_____________________________

Comments