בס״ד
_____________________________
Shemini - 8th Eighth (Ordinal number/מספר סדורי)
Atzeret - "Atzeret" kity thucheng hi "Atzira" kity thucheng akon hung pot ahi. Atzira kity hi a-ngahna tina ahi.
Shemini/Eighth kity nikho hi hoi akon hung kisim pan a 8th chan hung lhing/pha thei ham?
Sukkot kipatna akon Hoshana Rabba chan chu 7th ahi, chuleh 8th chu Shemini Atzeret ahi.
Ipi jeh a Atzeret (Atzira) kity ham?
Ajeh chu sukkot nikho ho kisim nalah a akichaina/a-ngahna pen chu Shemini Atzeret ahi. (Atzira/a-ngahna)
Achunga hilchetna ho dungjui ahi Shemini Atzeret chu sukkot abanjom tabang ahi. Hinlah, ale lam khat a isei kit leh Shemini Atzeret hi sukkot banjom ahipoi. Ama changseh ahi Kut/Khag (חג) khat ahi kit e. Hichi jeh achu "Shemini Atzeret nekhsav ke-regel bifnei atzmo" kity ahi.
Regel Bifnei Atzmo - Regel Bifnei Atzmo Kity chu ama changa jong keng khat a ding tina tabang ahi/Achang ading tina ahi.
Shemini Atzeret chu ipity dan a achanga Kut khat dan a um thei kit ham?
Ajih phabep aum e :
Sukkot - 14 Kelngoi & 2 Sakhi + Bongchal 70
Shemini Atzeret 7 Kelngoi & 1 Sakhi + Bongchal 1
Sukkot le Shemini Atzeret sung ahin Bongchal injong akiki thoi ji e.
Sukkot ni masapen nile - 13 Bongchal
Day2 - 12 Bongchal
Day3 - 11 Bongchal
Day4 - 10 Bongchal
Day5 - 9 Bongchal
Day6 - 8 Bongchal
Day7 - 7 Bongchal (13+12+11+10+9+8+7 = 70)
Sukkot ni 7 sunga hi abon a Bongchal 70 kithoina'a ki mang ji in ahi. Shemini Atzeret chu Sukkot banjom anahile Bongchal 6 a kithoi ngai ding ahi hinlah Shimini Atzeret chu Sukkot banjom ahitah lou jeh in Bongchal 1 bou in aki ki thoi e.
Khakhamin ten hitin asei uve : Sukkot ni 7 sunga kithoina Bongchal 70 hochu nam 70 ho ading ahi chuleh, Shimini Atzeret a kithoina Bongchal 1chu nam khat ding ahi. Hichi nam khat chu juda nam ahi.
Gentile ho dinga Bongchal 70 a kithoina kibol a Juda te dinga Bongchal khat bou kibol chu Juda te chu Gentile sanga dinmun nem jo tina ham?
Thutekah - Lengpa’n ann-neh khomna len tah abol in, hichi ann-neh khom na achun akhosung mipi jouse akou e. Hiche ann-neh khom len tah kin aki chai achun Lengpan ann-neh khom na kin neo khat abol be kit in ahi, hiche ann-neh khom na kin neo abolna achun, aleng inn sunga aloi apai chule anatong jouse akou in ahi. Avetsah chu hiche ann-neh khom na kivel nei kit pachu aneo joh vang in kingai lut na alen jo in ahi. Hichi ma bang achu Pathen juda tedinga sukkot kichai a kut khat ipi be uvin hichi kut chu “Shemini Atzeret” ahi. (Bamidbar 29:35) “Ba-Yom HaShemini Atzeret tihiye lakhem”. Lengpan achai nadia ann-nehkhomna kin alungset/akinaipi ho bouseh toh anei be tabang achu, Pathen in jong angailut pen nam mite (Juda te) toh Shemini Atzeret kity nikho amang be diu vin api e. Hichi nikho a hi Mitzva chu Kipa ding tichu ahi “Nagila Ve Nishmekha bakh”
Ipi kipa pi ding ham? Nishmekha bakh kity “Bakh” chu Pathen kiseina ham? ahilou leh Anikho-theng kiseina ham?
Rabbi Abin in hitin asei e : Eiho in Anikho/Pathen joh kipa pi ding ham tichu ihe thei pove aty.
Shlomo : A Torah le Ami huh-hing nachu kipapi ding ahe tin asei e. Hichi akon het thei chu Mitzva pachu Torah, Pathen chuleh Ami huh-hing nachu kipa piding ahi. Hichi kisei ho kipana tilou adang Mitzva aum poi.
אין בו שום מצווה מיוחדת זולת מצוות השמחה בה׳ בתורתו ובישועתו.