Rosh Hashana
בס״ד
Rosh Hashana
By Harav Yossi Stern Shlita, Rosh Yeshivat Hahesder Akko.
___________________________
"Sofar tabang hiding - kisiem phat ding!"
Amasapen a kahinsei nom chu, nabon uvin Shana Tova, Vangphatna kum, Damtheina kum, Lolhina kum, Malsawmna kum chuleh Neh le chah niengna kum hung hitahen tin kahin vangbuh nom uve.
Nam dang ten a Kum thah u ity aman ji uvam?
Alhangpin Guolnup, thil thah choh chuleh leiseit nopsah na lampang bou in amang ji uve. Ahin Juda te in vang Kum thah/Rosh Hashana hi Sofar kimut gin ngai nan imang ji uve. Rosh Hashana hi leiset kisiem nikho ahi, Hichi nikho ahin mihiem ama le ama akigeldoh nading, akisiem thah nading phat chu ahi. Hichi nikho lehin Juda khat chun sofar mut gin chu angai a sofar tabang hinom agut ding chuleh ahung lhung ding kum thah ahi kisiem pha ding, kumdang sanga kisuh hat cheh di agut ding ahi. Juda khat chun, achesa kum a ahina level tabanga umdan louding agut ding ahi. Sofar amuh neocha a kipan a amang/aleh lentah ahi tabanga, achesa kum a ahina chu ana neocha/nem lheh jongle ahung lhung ding kum thah ahi lentah/sangtah hiding agut ding ahi. Hitia chu Juda khat chun Rosh Hashana a sofar mutgin chu ajat teng lhagao lampang a kithou doh ding ahi. Rosh Hashan nile hin Pathen in mihiem ho jouse hi akum kit a dinga thu atan pih jin ahi. Hichi nile hin ithutan ni'u ahitoh kilhon in Pathen kom in itao ji uve ibol khel hou jouse chunga, lhagao lampang lhahsam na chuleh lhagao kisuhbuh na ho akon hepina anei thei nadin. Ahin, tukum thah apat in Pathen tahsan te kahi kit diu ahi. Sofar gin mangcha'n nangma kahin vachoi uve, nangma chu kaleng pau ule ka Pathen u nahi tin itau ji uvin ahi.
Rosh Hashana a sofar kimut gin pahi lhatdohna sofar gadol tochun kigom khom lhon in ahi. Tefila teng hitin isei ji uve "Teka basofar gadol lekherutenu, vesa nes lekabetz galuyotenu, vekavtzenu yakhad mehera mi arba kanfot ha-aretz le artzenu" Nangho kasopi'u Bnei Menashe ten gamlha tah akon, Kum 3000 jou a Israel nahin nung jut thei uhi kamu uchun Sofar gadol (שופר גדול מקבץ אתנו) chun ahin nung gop khom kit u ahitai ti hetdoh thei ahi. Sofar Gadol chu ging pan ahitai!!
(Sofar Gadol - A hichet a iledoh ding le Sumkawn len tina ahi. Ahin Sofar Gadol akity teng, Sofar lentah hung kimut gin ding tina ahipoi. Avet sah chu thil lentah le kidang tah hung suh ding tina ahi)
Shana tova! Hin-na lekhabu a Am-Israel jouse ikisut lut nadiu, huhdoh a ium nadiu chuleh ikhang uva Beith HaMikdash hung kitun doh thei nading.
