Reshima le' Lel haSeder
בס״ד
Reshima le'lel haseder
lel seder adia list ho
_____________________________
1. Haggada lekhabu
Haggada/הגדה
Anui a book 3 ho hi ahoiloi a kilheng do chieh ahi. Blue toh Red hi Koren Publisherskorenpub.com, "Steimatzky" leh "Tzomet Sfarim" store a jong choh thei ahi. Pink hi Harav Yosef Tzvi Rimon sut ahi in sulamot.org a choh thei ahi. Harav Tzvi sut hohi akichen in ahoina tamtah aum in chuleh English version jong aum e.
Eipao a dei ho din jong Shavei Israel leh Shivtei Menashe ten a siem'u aume. Shavei te siem hi Hebrew transliteration bou ahi in chuleh Shivtei Menashe te siem hi in eipao, hebrew transliteration chuleh Hebrew kigom ahi.
2. Lel seder lhengkam
Ke'arat lel haseder/קערת ליל הסדר
Lheng (Plate) mei mei khat jong jah jieng thei ahi in hinlah chiena lhangpi chu ahileh pessach adi mong a kijem hoi akijang e. Kum sieh a thah choh angai poi.
3. Matza
Matza/מצה
Machine a kisiem matza/מצת מכונה
4. Khut a kisiem Matzot Shmurot peh thum
Shalosh matzot shmurot/שלוש מצות שמורות
Shamur/Shimur hi vengtup tina ahi, chol (Khametz) akuon kiveng doh tina ahi. Itih apat ventup ngai ham ti hi poskim ho kinilna (Makhloket Poskim) aum e.
- Shamor mi-sa'at kitzira - A chang aki at phat apat chol akuon kivengtup.
- Shamor mi-sa'at tkhina - A chang akisuh/akitah phat apat chol akuon kivengtup.
- Shamor mi-sa'at leisa - Moida tum (Batzek) akisuo akuon kivengtup.
Lekhatkhila achu Pessach nilhah leh "Matza shmurah" khut a kisiem nehding. Ikar hadin achu machine a kisiem "Matza shmura" jong neh thei.
Matzva khut a kisiem/מצת עבודת יד
5. Afikoman khu nading
Kisui Afikoman/כיסוי אפיקומן
6. Yaiin ahilouleh grape juice (Tirosh - Mitz anavim)
Tirosh o Yaiin/תירוש או יין
Strict chet a (Makhmir) bol nuom hon yaiin ajah diu aphai. Yaiin hadon thei lou hon Mitz anavim/Tirosh adon thei u ahi, Khon 4 dim set set adon nah phot uleh mitz anavim hijongleh mitzva asuh bulhit e. Yaiin leh mitz anavim helkhom jong ahithei e, HaRav ben Tzion Aba Shaul zt'l method (Shita) duingjui ahi.
7. Eliyahu Thiemgao khon ding
Kos le Eliyahu Hanavi/כוס לאליהו הנביא
8. Yaiin don nading khon neo cha cha
Koshot Ktanot/כוסות קטנות
Lel Haseder a don ding yaiin jat chu khon 4 ahi. Khon khat chih achu "Reviit" beh hiding. Reviit chu 86gm ahi. Kinga lou a khat vei don a 81ml/80gm vel don ding hinlah khat vei don a "Reviit" tamjo 45gm vel akidon doh tah leh amoh cheng don jou tei tei angai tapoi.
9. Ah mal ahilouleh kelsa mal
Zeroah/זרוע
10. Ahtwi
Betzim/ביצים
11. Anche hing
Karpas/כרפס
Chondan (Minhag) jat jat aum e tekahna'n - Celery, Parsley, Potato. 
Celery/סלרי12. Anche-kha
Maror/מרור
Lettuce/חסה
13. Kharoset
Kharoset/חרוסת
Alim a kipie Kharoset hi super a siemsa kijuh ho ahi, hichie khel hilou in jat dang ang jong aum e. Super a imujoulou leh in a jong kiseim thei ahi. Walnut, dates, apple chuleh red wine kihel khom ding.
14. Karpas di nading chi twi
Mei melakh/מי מלח
Chi toh twi helding, hichie hi in a kisiem ding ahi.
