Purim a ju don ding chung chang.
בס״ד
Purim a ju don ding
"Khayav inish livsumei"
______________________________
Introduction
Purim a ju don ding hi mitzva ahi (Mitzvat hamishte) ajieh chu mihiem atam jon ju adon tieng uleh kipana anei thei uvin, Purim a kipa chu mitzva ahi ajieh chu "Gim gentheina jousie amaho dinga kipa thanopna a kiheidoh nikho ahi - Megillat Esther 9:22" hinlah ju hadon val jieh a buina asuoh thei ding leh mitzva ahi tapoi ajieh chu buina chu kipana ahi thei poi. Judon thei lou hon nidang a adon sang uva thamkhat a tamjo adon diu ahi chuleh judon nuom tei tei hinlah buina suoh dinga kigingmo hon anui a kipie "Summary a shitat ha Rambam" ajui diu in ahoi e. Ju don ding kiti hi ipi tobang ju kiseina ham? Purim thusim toh kigui jop a kidon ahijieh in, lengpi ju hiding ahi. Hinlah, lengpi ju (Yain) a kipah joulou, alungkim joulou hon ju dang dang (Mashke Kharif) adon phal u ahi, hinlah deisah chu "Yain" ahi.
Talmud akuon judon ding chung chang kiseina
(מקור הסוגיה - מסכת מגילה דף ז עמ' ב)
Rava in hitin asei e: Mi khat chun “Sapset chu Haman ahin chuleh Phatthei chang chu Mordechai ahi - ad delo yada bein arur Haman lebarukh Mordichai” ti hekhen thei lou liu a ju adong ding ahi ati (Masekhet Megillah 7b)
A gemara'n hitin aban ajom e: Rabba le Rabbi Zeira in purim amang khom lhon in, akham lhon in chuin Rabba in Rabbi Zeira athat e. A jing nikho in Rabba in Rabbi Zeira atao pieh in chuin Rabbi Zeira ahung thou doh kit tai. Akum kit chun Rabba in Rabbi Zeira purim mangkhom kit din atiem in hinlha Rabba in “Thil kidang hi aphat sieh a suoh ahipoi - lo bekol sa’ata ve sa’ata mitrakhes nes” tin abonbut e.
Ju don ding dan
Rishonim te akuon in sitot (Methods) ajat jat aum e :
- Baal HaMaor in Rabbeinu Efraim min in hitin asei e, Gemara in “Sapset chu Haman ahin chuleh Phatthei chang chu Mordechai ahi” ti helou liu a judon ding atia, ajou a “Rabba le Rabbi Zeira” thusim aban ahin jomsah jieh chu akisei masapa “Arur Haman lebarukh Mordichai” tipa chu pom louding tina ahi. Baal HaMaor dungjui a purim a judon hi mitzva ahipoi (Baal HaMaor, Megillah 3b).
- Rif leh Rosh seidan a “Rabba le Rabbi Zeira” thusim akuon hetding khat chu ju hadon val beh seh louding, "Arur Haman lebarukh Mordichai" hekhen thei lou kham a adon ding (Rif, Megillah 3b, Rosh 1:8).
- Rambam in vang hitin asei e, khu helou a kilhim lha liu dia don ding ahi ati. (Rambam Hilchot Megillah Perek 2:15)
- Aguda leh Rabbbeinu Yerukham sei dung jui a "Arur Haman" leh "Baruch Mordechai" hi a gematria akibang ahi in Mikhat chun hichie gematria teni chu hisap abol bol a ajo natieng koi min joh abol ham ti ahet tah lou leh amapa chu akham tai tina ahi hijieh achu, ju don ding kitipa mitzva asuh bulhit tai - yatza yadei khovato (Megillah 3b)
502 - ארור המן
ברוך מרדכי - 502
Summary
Hichie tobang a Khakhamim te akuon shitot (Methods) jat jat aum tieng atam thei chan napen a juiding aphai. Hichie dinmun ahi Shitat haRambam chipie aphai ajieh chu, mikhat chu khu helou liu a aki lhim lhah tieng "Arur Haman lebarukh Mordechai" ti jong ahet tah louding ahi. Hichie hin shitot dang dang hojong ahup tha ei tai.
______________________________
