Lag Ba'omer

בס״ד

_{By Harav Shlomi Sabag}

______________________

Lag Baomer ipi sei na ham?

Lag : ג=3] [ל=30] לג]

Ba-omer : Omer sim sung a 33 ni chu Lag Ba'omer ahi. Lag Ba'omer hi Pessach le Shavoth kikah, 18th Iyar ahi.

Ipi jih a Lag ba'omer ki mang ham?

2nd Century lai a sefer zohar ana sun doh leh anahil doh pa Rabbi Shimon Bar Yochai in anungjui ho kom a ahtinikho chu kipa nikho a nit ding in ana sei e. [Rabbi Shimon bar Yochai Lag Ba'omer in athi e]
Rabbi Akiva students 24,000 ho khat le khat akija lou jih uva athi uchu Lag B'aomer ni in akichai tai. Lag Ba'omer in avet sah khat chu khat le khat kija bol ding kilungset ding. (Ahavat Yisrael)

Rabbi Akiva

Rabbi Akiva ben Yosef in students 24,000 ananei in gal kon ding in Barkockba lamkai na in Roman te toh gal ana kisat uve. Students 24,000 ho jouse chu khat le khat ana kijabol lou jih uvin agal sat ana uva jong Pathen in anaki thupi po uvin, abon uvin anathi chai kei uve. [Eiho khang a Torah hegil khat le ni a um le ija bol uvin ahin, students 24,000 ho jouse chu abon uvin Torah hetgilna nei ngan ahijih uvin khat le khat kimu sang napa or kijabol ding dan pachu ana lhasam uve]

Rabbi Akiva students 24,000 ho jouse athi jou uvin students thah 5 anei be in ama hochu :

Rabbi Yehuda bar Ilai
Rabbi Meir
Rabbi Eliezer ben Shammuah
Rabbi Yossi ben Halafta
Rabbi Shimon bar Yochai

Masekhet Shabbath 33b

Rabbi Yehuda, Rabbi Shimon chuleh Rabbi Yoshi amaho 3 kihom limna

Gemara Shabbath 33b :גמרא שבת לג

Rabbi Shimon thusei chu Roman te kom alhung in. Thadin ahol tauve. Rabbi Shimon le achap chu Songkul sung in akisel hon in sun le jan in Taona le Torah sim bouset abol lhon e. Hitichun kum 12 songkul sung in akisel hon in Kheruv theiga ane hon in, Tuisam put adon lhon in hitichun ahing hon e. Kum 12 jou in Roman te lamkai (Emperor/קיסר) thading a holpa athijou in Themgao Eliyahu in agasei pih lhon in apot doh lhon tai. Apot lhon chun a torah hetna lhon asang lheh in alhagao level honjong mihiem mei mei a ahitapoi. Apot lhonchu mi hon chang atu, phailei a na atoh'u amu lhon in, amit lhon atih lheh e ajih chu kum 12 Torah bouset a ahin lhon jih chu leiset polang a mihiem hin dan pa ana hepha lhon tapoi. Mihiem hon Torah khel a leiset natohna ahingkhu'u amang e tin alung lhei hon poi. Amit hon in avet najouse chu aka in ahi. Van akon aw ahung ging in "Kasiem sa leiset susiding a nahung pot lhon ham? Na songkul lhon in kinungle lhon in" Songkul akinungle lhon in kum 1 aga um be lhon in ahung pot kit lhon tai.Aachapa in avet najouse chu thil aka kit e ahin, Rabbi Shimon in avet teng thil kajouse chun asupha kit in ahi. Chichun, Rabbi Shimon in achapa kom ah hitin asei e. די לעולם אני ואתה״" "Di leolam ani ve ata" Nang le kei Torah ijil bouset a jong leiset hingthei ahi.

Hitichun Rabbi Shimon leh achpa chun mihiem het them di dan pachu anjil doh lhon tai. Ni ahung lhum kigu tan Erev Shabbat kon in tehsi khat in Hadas ni ahin choi amu lhon in lungdong tah in adong lhon e

Rabbi Shimon le achapa - ipi ding naty ham?

Tehsipu - Sbabbath ading katy ahi.

Rabbi Shimon le achapa - ipi di 2 nachoi khel khel ham?

Teshipu - Khat in avet sah chu Zakhor - Shabbath Geldohding. Khat in avet sahchu Shamor - Shabbath nit ding. "״חד כנגד זכור וחד כנגד שמור "Khad keneged

Rabbi Shimon in achapa kom in - Eini bang in sunle jan in Torah jil hih jongleh, Pathen ahou thou uve. חזי כמה חביבין מצוה על ישראל״"

Mihiem hetthem napachu anei lhon tai.

Mussar - Thusim akon jil doh thei chu nang in Torah naha jil jih a nang tabang a jil lou jouse chu namu nim ding ahipoi, ajih chu mihiem jouse ilim le igong akibah lou bang in lhagao dinmun pajong akibang poi. Nang hina tabang a mijouse nahi sah thei ahipoi.

_______________________________

Comments