Bein ha-Metzarim

בס״ד

Bein ha-Metzarim

מקור : גמרא

Source : Gemara

____________________________

Bein ha-Metzarim/בין המצרים

Bein -  thil khat le khat kikah (Between)

Metzarim -  Buina/hahsatna (distress, trouble) 

Bein ha-Matzarim akiti jih chu vangsetna ni kikah ahi jih ahi. (17th tamuz  - 9Av)

Bein ha-Metzarim hi 17 Tammuz apat 9Av kikah sung a hapta 3 ho kiseina ahi. Hichi hapta 3 sung ho achun nopsahna akon kikang se ding ahi. 

(Daniel 10:2-3) ^²Hichie lai hin Daniel kitipa keima hapta thum sungin kalung ahem gunset'e. ³Atui alhum jong kanepon. Sa jong kanepon, lengpitwi jeng jong kakamsunga alut poi. Hapta thum lhingset chun kei le kei jong thao kinu louhel'in kaume.

דניאל י:א-ב

ב :בַּיָּמִ֖ים הָהֵ֑ם אֲנִ֚י דָֽנִיֵּאל֙ הָיִ֣יתִי מִתְאַבֵּ֔ל שְׁלֹשָׁ֥ה שָֽׁבֻעִ֖ים יָמִֽים

:ג לֶ֣חֶם חֲמֻד֞וֹת לֹ֣א אָכַ֗לְתִּי וּבָשָׂ֥ר וָיַ֛יִן לֹֽא־בָ֥א אֶל־פִּ֖י וְס֣וֹךְ לֹא־סָ֑כְתִּי עַד־מְלֹ֕את שְׁלֹ֥שֶׁת שָֽׁבֻעִ֖ים יָמִֽים

Hapta 3 (Bein ha-Metzarim) hin ipi avet sah ham? ipi ding a Hapta 3 khel khel ham?

Rabbi Soloveichik in Bein ha-Metzarim custom pahi anaumsa halacha akon hung kiladoh ahe aty. Hichi halacha chu Hilchot Avelut  asei na ahi.

Hichi chu Rabbanim ten Avelut khadasha tin aminvo uve. 

Puldou (Mourning/אבלות)

• Mihiem khat anu/apa athi jou hapta khat napachu chu  Shiva akity.
• Athina lhakhat ahung lhin teng Shloshim akity. [Shloshim : Somthum/30 lhakhat=ni somthum]
• Khum khat ahung lhin teng Yut-Bet khodesh akity.  [Yut-Bet = 12, Khodesh =  lha/Month]

Bein ha-Metzarim, sung a hapta thum hochun Avelut sunga pul dounapa toh akite kah in ahi. 

• Hapta masapen chun Shiva avetsah in, 
• Hapta ninapa in Shloshim avet sah kit in, 
• Hapta thumnapan Yut-Bet Khodesh avet sah in ahi.

Note1 : Aveilut khadasha chu nu/pa thina pul kidou pachu ahi. Aveilut Yashana akity teng Beith HaMikdash kisuhset puldou pachu ahi.

Note 2 : Shavua se-khal bo hi hapta khat lhingset ahi tei tei jipoi. 9Av hung lhun nading hapta pa'a Sunday (יום ראשון) apat 9Av chan chu Shavua se-khal bo ahi.

              tehkah chun, 9Av chu tuesday chutaleh. Sunday apat Tuesday chu ni 3 ahi, Shavua se-khal bo ni 3 tina ahi. 

Note 3: Tukum 9Av shabbath achuh jih in ann ngol pachu Sunday (יום ראשון) joh in akivochon in ahi; Sunday chu 9Av akisim ahitai; chijih chun tukum shavua se-khal bo um lou ding ahi. Chuleh 10Av a sa kingol be pajong tukum umlou ding ahi.

• Bein ha-Metzarim sung a hapta 3 hon Aveilut avetsah toh kilhon in Yut-Bet khodesh a bol phalou jouse Bein ha-Metzarim sung ajong bol phalou ahi. 

Yut-Bet khoseh dan in aphalou chu samtan, golnop achie..etc. Ahin, Akhronim tam tah in hichi chipana pachu anom pove, chondan custom thah ajat ajat ahung kisep doh lo in ahi. Hichi chung chang a Akhronim hon agel dan pau jat chom chom ho in sei diu ahi.

Kichen leh laa ngai  (Wedding and music /חתונה ומוזיקה) 

Talmud akon hitin akijil doh e. Bein ha-Metzarim hapata thum napa (Shavua se-khal bo) sung a samtan phalou, vonshop phalou, Mishna in hichi phatpa hung lhun masang (Shavua se-khal bo masang ni 2) achu thil bolding ho ngah pan ding ahitai  Shavua se-khal bo jana a. (Yevamot 43a) ahin hetding khat chu kichen phal hih jongleh engagement (אירוסין) bol phal ahi. Gerama a akisei dung jui in sefardim ten shavua se-khal bo masang ajong jinei phalou ahi akity hichu Rosh khodesh AV apat 9Av chan kisei na ahi.  

• Rabbi Issac Tyrnau in a Sefer Minhagim sung chun hitin asun e, Yut-bet khodesh a bol phalou jouse chu Bein ha-Metzarim sung a phalou ahi aty, achuty le Rosh khodesh Av masang apat phalou tyna ahi ahin chi chon dan pa, hapta 3 sung sisi a kichen phalou or samtan phalou ti ho hi Ashkenazim ten achi pi uve. Safardim ten vang Rosh khodesh Av apat bol phalou tin achipi kit uve.
• Magen Avraham in jong 17th Tammuz apat 9th Av chan Rikudim umeholot (Lam/Dance/ריקוד) phalou tin asei e.
• Rabbi Soloveitchik in jong Rabbi Issac sei bang in Yut-bet khodesh a bol phalou jouse chu Bein ha-Metzarim sung a phalou ahi aty. Yut-bet khodesh sung achu golnop kipa jao phalou - Simkhat merei'ut. (Mo'ed katan 22b). Bein ha-Metzarim sung Private a music ngai, or music play tiho chu phal ahin, hinlah milah a nopsah (public social gathering) vang music jao hih jongle phal ahikit poi. Tehkah in mikhat chu aloi hotoh ball kichep a nopsah ding phal ahipoi ; achang cha music ngai vang  phal ahi. 
• Akhronim khankhat kit in vang music ngai tiho chu aphal kit povin ahi.
• Biur Halacha in hitin akisun kit e - Mikhat chun nehhol (Livelihood/פרנסה) nadia music play ahitah leh milhah hijogleh Rosh khodesh Av chanchu apeh phal ahi. (Non-Jews lah a) Chima bang chun music jil pan jong Shavua se-khal bo chan amusic jil ajop pei thei ahi.
• Rabbi Shlomo Daichovsky, Dayan pan jong Bein ha-Metzarim hihen, Yut-Bet Khodesh hileh, Omer simsung hiljongeh, music ngai phalou kity hi halacha sung a asource (מקור) a umpoi tin asei e. Music hijongleh classical music tiho chu phal ahi.
• Rabbi Moshe Feinstein in jong background music tiho chu aphal in ahi.

Conclusion - Insung a headphone a la ngai ahilou leh, Speaker a la ngai, Guitar peh tiho chu phal ahi. Golnop na a Party a la kilha ho vang pha ahipoi. Music kilha ngel tahih jongleh Golnop bouset jong chu phalou ahitai.

Samtan (Haircuts/תספורת)

• Sephardim - Gemara dung jui a Shavua se-khal bo sung se samtan phalou. Sulkhan Aruch in jong Gerama akisei tabang chet in asei e. Shavua se-khal bo sung se bou a tan phalou. 
• Ashkenazim - Bein ha-Metzarim sung se samtan phalou.

Shehecheyanu/שהחיינו

• Bein ha-Metzarim sung ahi vonthah leh thei thah (new fruit/פרי חדש) chunga Shehecheyanu sei louding ahi ajih chu Shehecheyanu hi aphat hoipa kithang vah ahi. Bein ha-Metzarim sung chu phat hoi ahilou jih in, aphat aki thang vah thei poi.
• Vonthah/thei-tha chung a shehecheyanu isei nom leh shabbath chan nga ding, shabbath nia sei thei ahi, avetsah chun aphat pachu ki vochon thei tina ahi. 
• Brith Mila/Pidyon HaBen chung avang shehecheyanu sei thei ahi shabbath nga angai poi ajih chu aphat pachu mihiem khut a kingam ahilou jih in.
• Rosh khodesh Av masang chan a von choh phal ; jah phal lou. 
• Von Shehecheyanu sei ngai lou ho vang choh jong phal ; jah jong phal. Example - kengkoh, socks, undergarments.
• Shehecheyanu hi eima le eima ding thil that inei teng kisei ahi ; Hatov VeHaMetiv hivang inku ading/group anei bom ding thil thah chung a kisei ahi.(Gemara Brachot 59b)
• Hatov VeHaMetiv sei nading thil thah hochu Bein ha-Metzarim sung a choh jong phal, jah jong phal ahi.

Vonsop (Laundry/כביסה)

• Sephardim - Shavua se-khal bo sung se a sop phal lou.
• Ashkenazim - Bein Ha-Metzarim sung si sop phalou.
• Sephardim te adin Shavua se-khal bo sung a von sop phal ahi lou toh kilhon in, sopsa hojong ah phal ahitapoi. 
• Sopsa ah phal ahi nading achu von theng jouse chu chom khat khat ah ding.
• Chom khat khat ki ah von hochu atheng a akisim talou jih achu shavua se-khal bo sung a ah phal ahitai.
• Mi khat chun avon theng hochu chom khat khat a ah man louding ahitah leh abona alah a lhuong (On the floor/על הרצפה) chung a pung 1 tabang adalhah thei ahi.
• Mikhat chun ahding songkhol khat bou anei a, jachat nathei khop a anet tah le Shavua se-khal bo sung a jong asop thei ahi.
• Mikhat chun aShabbath von chu, Shavua se-khal bo sung a ah pha ahipoi.
• Shabbath von, shavua se-khal bo sung a ah thei ding hochu Brith Mila a sandak, Mohel chuleh naosen nu-le-pa.

Vontah (Ironing/גיהוץ)

• Shavua se-khal bo sung a von tah jong phal ahi tapoi.
• Shavua se-khal bo sung a ah ding von jong Gentile khat tah sah jong phal ahipoi.
• 9 Av jou langa ah ding kima tah jong ahi thei poi.

JU le SA (Meat and wine/בשר ויין)

• Sa neh leh judon hin Mihiem nupsah naleh kipana apih jih in, Lunghem phat sung a Sa le Ju nehding chu dei sah ahipoi.
• Mishna masekhet taanit a akisut dung jui in sa neh pahi Seudat Mafseket aneh lou ding tibou akisun e.
• שמנה תענית פרק-ד משנה-ז

ערב תשעה באב לא יאכל אדם שני תבשילין, לא יאכל בשר ולא ישתה יין

• Rishonim ten vang Av lhasung si aneh lou ding atiu ve ajih chu.

1. "Mise nikhnas Av me'atim besimkha" Mi khat chu Av lha ahunglut teng kipana pa asuh lhom ding ahi.
2. Beith HaMikdash um lai achun Mizbeakh a ju le sa ana kithoi/ana lhandoh jih uvin donphal neh phal ahi. Tukhang a Beith HaMikdash um tah lou jih in pum neh a neh lou ding hinalai ahi, ahin, Chachamin ten, mihiem in sa neh lou ding, ju don louding tipachu ajo lou ding ahet jih uvin, Phat dang sie a nehding apal uvin ahin Niko (9Days/תשעת הימים) sung se beh neh louding atiuve.

• Rishonim khankhat in Bein haMetzarim sung se saneh louding tipa achi piu ve , khankhat kit chun shavua se khal-bo sung se bou neh louding pa achipi kit uve, Atam jon vang Tis'at haYamin (9 days) sung sih neh lou ding tipa chipi kit e.

Safardim - Rosh khodesh Av ni chan neh phal, Ajing apat 10th Av nilhum chan neh phalou (Shabbath a neh phal)

Ashkenazim - Rosk khodesh Av ni apat 10th Av ani keh chan neh phal talou (Shabbath a neh phal)