בס״ד
Taona lamkai
_____________________________
הראוי להיות ש״צ
Tefilah phat sung ahin Khazan (Mipi te) toh khazan pa'n ataobom phat aum in chuleh Khazan pa taona asei in mipite'n Amen tin adonbut uve - Khazarat HaSatz (Amida Repetition), Kaddish. Khazan ding hi chonsietna neilou, a'khangdong lai kisan a minsietna ana nei khalou, mikineosah, mikitup, aw ngaitah nei, mipi in adeisah, chuleh Torah, Neviim leh Ketuvim simjing khat ahi angai e (Taanit 16a, Sulchan Aruch, Orach Chaim 53). Adih a Khagim (Kut) lai, tekahnan - Rosh Hashana, Yom kippur vel leh ichonsietna'u ki ngaidam nadia Pathen kuom a itao tieng uleh Khazan pa taona man adih lou leh mipi taona jong ahiding banga kisan pieh louding ahi. Hijieh achu Khagim (Kut) lai sung dih ahi Khazan dia fit khat in alamkai ding deisah aum in ahi (Rema 581:1). Chazal (חז״ל) te khanglai achun siddur (Taona bu) sutding hi phal ana hipoi. Torah shebi’ktav (Written Torah) bou sut phat ana hi. Torah shebe’alpe (Oral Torah) ho hi by-heart in ana seiji uvin ahi. Hijieh chun Khajan ding chu Taona man thiem tah ana hi ngai e, mijousie khazan ana moh hi hi thei poi, regular a Khazan ding mong mong khat ana nei uve. Eiho khang in vang mijouse in siddur anei in hijieh chun misih a anuom nuom khazan ahithei e (Sulchan Aruch, Orach Chaim 53:19, Mishna Berurah 53:53). Hijongleh Gabai (Houin mo pupa) pa'n Khazan dia mi alhen tieng Torah le Mitzvot hoitah a nit chuleh mipi in aphatsah didol khat akou a ngai e ajieh chu khazan pa chu mipi lheng a Khazarat Satz leh Kaddish seiding ahijieh ahi (Kaf HaChaim 53:86). Adih a Shabbat leh Khagim tieng sah thoding atam in hijieh achu aw ngai khat ahi a ngai e.
חזנות לשם שמים
Khazan ding chu aw ngaitah nei mi hijongleh, a kavana chu leshem Shayamin ding ahilouleh deisah ahidih poi. A aw ngai show-off bol nadia Khazan ahileh a thilsim/a'la sah chu Pathen hieng a aw sang a pieng tobang ahi (Yermiyahu 12:8). Khazan pa chun Leshem Shayamim adia kavana nei jongleh athil kai dan chu mipi burden nading liu a a'kai sao beh seh lou in ding ahi (Rashba, Sulchan Aruch 53:11).
מינוי החזן
Mi khat chun achang a khazan dia akipieh doh chu asur ahi, Gabai pa'n ahin kouding a'nga ngai e. Mipi leh Gabai pa deisah lou a achang a khazan dia kipi doh khat chu mipi'n ataona man Amen ati pieh ngai poi (Rama 53:22). Mikhat chu Gabai pa'n Khazan dia ahin kou tah leh, khatvei akou kou a kipandoh a Khazan hipei ding aguot louding ahi ajieh chu khatvei kikou a khazan dia dingdoh pei chu kilisahna/Boltheina show-off kibol tobang ahi, hijieng achu aki kou masapat pen tieng nuom louding, ani vei chan'na a ahin kou kit leh da kit ding hinlah atah nuom tobang a um ding, A thum vei chan'na a ahin kou kit levang dingdoh a khazan aga hi phal ahitai - Tona ji ahet lebou. Rav lien khat in Khazan dia ahin kou levang 3 vei a nga ngai poi, a khazan thei leh ding doh a abol pei thei ahi (Sulchan Aruch, Orach Chaim 53:16)
______________________________