בס״ד
_____________________________
Koi tobang chu Teshuva dihta (Teshuva G'mura) nei kity ham? Mihiem khat chun anachonsetna tobang, vel chonset kit theinading phat lemchang anei kit a, hinlah “Teshuva” boljih a achonset tah louleh amapachu Baal Tsuva dihta ahi.
Example - Pasal khangthah khat chun ana chonsetpi ji numei khat toh chonset kit thei nading dimun galhung kit tahen lang a “Teshuva” boljih a achonset pi tah lou. Hichi mipachu ateh nung, numei ngaichatna anei lou nungin Teshuva bol taleh a Teshuva bol chu level sang jou talouding ahi. Ngaichat pet/Yetzer hara hatpen a Teshuva boldoh pa chu level sang pen ahi.
Ipi ham Teshuva hi? Milkhat chun achonsetna akon alungthim pumpia kikangse ding. Velbol loudia kigel lha ding. Chuleh kamchang a kiphundohna anei ding. Isaish 55:7 - “Mi gilou chun achonna lampi dalha hen”
Teshuva kibolna process (Tahalilk) ahi amasapen a chonset nachu ngah ding tihi ahi. Achonsetna ngalou a teshuva bol kigu pachu sathinglou akhut a choi a mitkveh a kidi thing ding gu tobang ahi. Gujuh pen a tol thihgo kigu tobang ahi.
Teshuva bolna lampi -
Mikhat chun mipi mu na a aloipa/mikhat chunga thildih lou/chonset abol khah ahileh mipi muna mama achu vidui abol ding. Ajih chi mipi masanga “khilul Hashem” anabol chu mipi masang mama a “Kiddush Hashem” asoding ahi.
Mipi muna mun a achonset ahile mipi ang a kiphon doh angai poi ajih chu chonset ana kihelou pachu kisei phung tobang ahi, hichi chu “Khilul Hashem” ahi.
Chonset a jat 2 - Mimal a chonse - Achanga chonse khat adin itih hijongleh Teshuva bol chu ahoi e, hinlah “Aseret yamei teshuva” phatsung hi ahoi dih set e.
Isaiah 55:6 - “Nailama aum pet’in ama chu kouin”
Japi a chonse - Japi a chonse hodin vang itih jinjongleh “Aseret yamei teshuva” sung tobang in ahoi hoi kom e.
Devarim 4:7 - “Pakai, iPathen’u ikou phat uva ei nai banga koi tobang nam len aPathen toh kinai um am?״
Yom Kippur nikho ahi “Vidui” bol hi Mitzva ahi (Mitzvat Vidui). Vidui hi Yom Kippur nilhah leh apat kipan ahitai. Seuda mafseket masanga jong vidui akibol e ; A ann neh alol a kitang a athi khah le vidui bol man a akisem nadin. Seuda Mafseket neh masanga vidui bol tajongleh Yom Kippur jan leh abol kit ding ahi. Ajing Musaf, Minkha chule Ne’ilah ajong abol kit ding ahi.
Yom Kippur nia hoilai phat akhu mimal a vidui (Individual confession) kibol ham?
Mi mal achu “Amida” kichai teng chuleh Khazan pa achu “Amida” sunga Bracha 4 napa a.
Alhangpi a Vidui kibol “Anakhnu Khantu/Keiho kachonse tauve” tia kisei jihi Teffilah sunga pang khat ahi chuleh hichi Vidui pahi chonsetna khat mong mong (specific sin) dia kisei ahipoi.
Yom Kippur nia chonset chunga vidiu kibol pahi akit Yom Kippur teng leh bol kitding ahi. Tehillim 51:5 - Ajih chu kasuh khel ho kahen kachonsetna ho kamasang ah aumjinge.
Chonset na jat 2 aum e Pathen le mihiem kikah chuleh mihiem leh mihiem kikah. Example - Pathen leh mihiem kikah chu Shabbth napal keh. Example mihiem leh mihiem kikah chu naloikhat thil naguh or naloi khat nopmo sah nading nabol. Yom Kippur nia teshuva kisanpi hohi Pathen le mihiem kikah ho bou ahi. Naloipa sum naguh chu teshuva ijat in bol jong lechun asun nasah a ngaidam nakithum louleh Yom Kippur in nachonset nachu athoidam thei louding ahi.
Ngaidam thumdan - Amo pan achanga ngaidam akithum ding chule ngaidam achan jou tahlou leh victim pa loi ho akipui kiding khat vei gachikit ding ngaidam achan lou le victim pa loiho akipui kitding thum vei chan a ngaidam akithum kit ding. Thumvei na kisan a ngaidam achantah louleh victim pachu mi ngaidam ji ahet lou jih a chonse a kisim ahi. Ahin hetding khat chu 3 vei khin nading mei mei a ngaidam thum ho kiseina ahipoi. Alungset akhon abol khil chunga kisih na nei mong mong a ngaidam agthumpa kiseina ahi.
Lunghan bei louding chuleh mi ngaidam vahding. Ichunga min thil abol khil ho ngaidam vahding abol khil nachu ichan a len hijongleh. Aphu (Revenge) lahding angaito louding.
Gemera Maskhet Betza sung hitin kisei e “Kol Adam se merakhem bayadua se hu mi zaro shel Avraham avivu. Adam se lo merakhem hu lo mi zaro she Avraham avinu ela mi zaro shel erev rav”
Translation - mikhuto jouse chu Avraham sun le pah ahi hinlah mikhuto thei lou mi chu Avraham sun le pah hilou in Erev rav ho sun le pah ahi.
Mikhat chu aloipa chunga bol khil anei a aloipan athi san a ngaidam kithum mantah loule alhan a pasal 10 akipuiding “Nang leh Israel Pathen chungah kachonse tai” tia ngaidam akitum ding ahi.
Sum ana guh/abat ahileh athipa inkute kom a asah ding ahi. Athil sah chun athipa inkute nopmo sah nacheh aso sah ding ahile indirect tah a jong apih thei ahi. Example - A car/bag sunga asum guh jat chu ahelou kah a akoipih athei ahi.
_____________________________