בס״ד
Parashat Masei
______________________________
Tuchung Parasha hi Masay akity. Masay (מַסְעֵי) kity thucheng hi Masa akon hung pot ahi. Masa hi Khuoljin (Journey/מסע) tina ahi.
Ipi jih a Masay (Khuoljin) tia kiminvo ham?
Ajih chu tuchung Parasha ahi kum 40 sung a Israel chate'n Egypt adalha uvapat Agamtheng alhun chan gei a akhuoljina'u mun ho jouse'u Moshe Rabbeinu in asut doh (Recorded/ויכתב משה/הקליט) thu a aki pat jih ahi. (Bamidbar 33:2)
42 מסעות/Masa'ot [Singular-Masa/ plural-Masa'ot]
- Raamsais - 15 Nissan 2,448 chun Raamsais khuopi adalha tauve.
- Sukkot - Raamsais khuopi adalhah jou a akisuh khom namasa pen'u chu Sukkot ahi.
- Aisam
- Pi Hachrot
- Mara - Tui khatna mun, Israel chate akiphin nau (Complained/התלוננו). Hichi mun ahi Mitzvot phabep ana jil doh uva, ajil doh lah uva khat chu Smirat Shabbath ahi.
- Ailim - Alim mun ahi Pathen in Israel chate chu tuisamput 12 (Spring water/עינת מים) phung khat chih a khat chang din api in, lusu-phung (Palms/תמרים) jong 70 api e, Upa 70 ho kicholdu nading in.
- Yam-suf
- Sin - (סין) Sinai muol chu Sin tia ana ki nim vo ahi. Sin kitia akichaina thucheng "Yut" in avet sah chu THUPIH 10 ho avet sah e. Yud = 10.
- Dafka - Hichi na mun ahi Israel chate chu nehding um lou jih in adip'u achah e (Pounded/דפק/Dafak) (Dafak - Zakhar/Dafka- Nekeva)
- Alush - Van akon Mana ana kipieh namun.
- Refidim - Hichilai mun a hi tui lhahsam jih a genthei athu na mun u ahi. Mitzva le Torah a lhasam u chuleh Pathen atahsan na'u jong alhah sam jih ahi.
- Midbar Sinai - Sinai Muol alhung uvin, Torah akisan tauve.
- Kivrot Hata'ava - Sa alop ho Pathen in got na apih.
- Chaverot - Meriam Tiphah vei.
- Ritma - Agam vedia mi 12 chi do (Spies/מרגלים) (Parashat Shlach)
- Rimon Peretz
- Livna
- Rissah
- Kehalata - Korach le anungjui ho/קרח ועדתו (Parashat Korach)
- Har Shefer - Theiga hoitah tah kena Muol.
- Kharada - חרדה, Hebrew a ''Kharada" kity hi anxiety tina ahi. Hichi mun ahi Anxiety anei uve ajih chu Pathen in gotna apih ho akichat behseh jih uvin.
- Makheloth
- Takhat
- Terach
- Mitka - (מתקה) Tui lhumna mun. Mitka kity thucheng hi Matok (מתוק) akon hung pot ahi. Matok chu alum tina ahi.
- Khasmona
- Mesoret
- Bnei Yaakan
- Khor Haggidgad
- Yatvata
- Avronah
- Etzion-geber
- Kadesh - Hichi mun aphah uchun Pathen min akisutheng e. Kadesh (Sanctified/קדש) kity hi sutheng tina ahi.
- Hor Har - Aharon athil na muol.
- Tzalmona
- Punon
- Ovat
- Iyvarim
- Divon Gad
- Almon Divlatayma - (עלמון) Almon kity thucheng in Ne'elam (Disappeared/נעלם) kity toh ahung pot na khat ahi. Ne'elam tichu amang tina ahi. Ipi mang asei na ham? Meriam athi nung a tui umtalou/tui mang asei na ahi.
- Haray Ha'avarim
- Milim siemthu houjih a juda mi 24,000 in gotnan chang'a thilo.
Ipi jih a hichi 42 Masa'ot hochu Moshe in asut doh ham?
Ajih chu -
- Khunung teng mi hon, gamthip a Pathen thil kidang bol hochu ahet uva Emuna an nei thei nadiu ahi.
- Ana phah nau mun hochu mihiem hin nathei ding mun ahipon (uninhabitable/בלתי מיושב) hinlah Pathen lungset leh thahat najal a bou ana hing doh thei u ahi. Hichu Torah in ana kisun tahih le mijouse in ama geldan leh hetdan chih a akiledoh diu, Pathen um lam jong ahet phah lou mei thei u ahi.
- Amun jouse achin a (detail) akisei jih khat kit chu Pathen mihepina (Mercy/רחמנות) vetsah nading ahi.
Rashi רש״י - Rashi in midrash akon in hilchetna khat ana pi e "Mipa khat in achapa damlou chu jansah ding in munchom chom in apui e, Ahungdam doh nung in akile hon chun achapa kom a apui na mu ho jouse chu asei pih in achapan chu apa chung a aki pha e " Chibang achu Torah in Israel chate ahet sah nom chu, Pathen in Gamthip a kum 40 sung amun chom chom a ipui jih uchu alhagao'u theng lou napa athen nading, Agamthen ilut teng uleh atheng a ilut diu, Atheng ahi nadiu ahi.
Mitzvat yishuv eretz Israel/מצוות יישוב ארץ ישראל
Tuchung parasha ahin, Agam theng a cheng ding Mitzvah akisei e. Pathen in Moshe kom in Israel chate in Canaanim te agamtheng akon anodoh ding in gihna anei e ajih chu amaho agam a achen lai chan uva Israel chate lhagao lhahsamna aso diu ahi. (Bamidbar 33:53) Ramban in hichi mitzvah (Yishuv Eretz Israel) chung chang ahin ngaidan 2 anei e.
- Agam chan nadia gal sat (Conquer/לכבוש) ding chule agam chu luding. (Inherent/לרשת)
- Agamtheng a khandoh ding chuleh chenden ding.
Note - Agam dalhah phalou (Masekhet Gittin 78a)
Ramban in "Yishuv eretz Israel" hi Mitzvah poimo khat in asim e, A sefer Mitzvot achun Ramban in ali (4th) chan nah apan sah e. Chuleh hitin jong asei e "Agam theng dalha michu milim semthu houtoh kibang ahe aty"
Rambam in vang "Yishuv eretz Israel״ hi mitzvah in asim poi. Ahin, Gemara Masekhet Kettubot 110b akisei "Juda khat chu Israel gam sung a Gentile tam nalah hijong leh, Gampam a yehudi tamna mun sanga Israel gam chen ding joh aki lhen ding ahi" tipachu vel sei na anei kit e.
