בס״ד
- Avrekh Gidion Haokip
______________________________
1. Shabbat lut di kuona Minkha kimandoh masat ding, Hanukah Mei vah ding (20 min before sunset) Beith Knesset a Kabalah a chie ding; hinlah mikhat chun Minyan a kikhopna ding amujou louva ahileh, Hanukah mei avah masat a Hou inn a Minyan jaona a Minkhah aman alien jo in ahi. ( Chazon Ovadia-Chanukah, page 179).
2. Nidang a sanga thaotwi sun tamjep ding chutileh ahsi sojou apat minute 30 beh jou ngai ahi. Thaotwi aneilhing joulouva ahileh, Meivah khatbeh chu sottah avahtheina dia angaito ding ahi.
3. Shabbat Mei vah masang a Hanukah mei vah masat ding ahi.
______________________________
Q. Motzei shabbath teng khanukah thaomei le havdalah hoiche bol masat di ham?
Donbutna: Motzei sabbath teng Beith knesset a ahile Khanukah thaomei det masat ding abanteng Havdalah bolding ahi. Inn a ahile vang Havdalah bolmasat a chujouteng Khanukah thaomei vah ding ahi.
Q. Sabbath toh Khanukah le Rosh Khodesh akito teng sefer Torah ijat lahdoh ding ham?
Sabbath, Khanukah le Rosh Khodesh akito tengleh sefer Torah thum akiladoh jin ahi. Migup in sabbath parasha asim ding u, asagi na pan sefer Torah nina akuon Rosh khodesh chungchang asimding, achaiteng Khetzi Kaddish aseiding chujouteng Maftir a kal pan Khanukah thu Parashat Hanesim asimding achaiteng Khetzi kaddish aseiya Haftarah "Ranei Vasimkhei bat Tzion" asimding ahi.
Q. Sabbath toh Khanukah toh Rosh Khodesh akitoteng Birkhat Hamazon a ipi belap di ham?
Sabbath, Khanukah le Rosh Khodesh akitoteng Birkhat hamazon a "al hanisim" "Retze" chuleh "Yaale Veyavo" belap ding ahi.
Q. Sabbath nileh Khanukah thaomei khom chu vah amit teng mundanga tundoh phal ham?
Sabbath nia Khanukah thaomei khom chu ameivah amit tengleh mundanga tundoh phallou ahi. Ahin amapa chun sabbath lut masanga Khanukah thaomei adet masang a thaomei khom chu thihpeh chung a changlhah toh atuntha le vang sabbath niteng khanukah thaomei chu amit tengleh mundang a achondoh phal ahi.
______________________________