בס״ד
____________________________
Rabbi Elazar ben Avina in Gemara Yevamot 63a akhun hitin asei e “Ein pur’anut baah le olam ela bishvil Israel - Leiseit a vangsietna ahung um jieh hi Israel chate ding/chonsiet jieh ahi” Zephaniah 3:6 “Keima namtim vaipi kasumang in akisat nau galmun jousie amangthah suoh tai” chuleh Bung 3:7 na’n hitin akisun kit e “Akhopi hin ei ging tante, kahilna sanginte, achunga kalhunsah thilsoh hijatpi hi mupha louvin kho mulou bang in um ponte”. Hichie’n avetsah chu Pathen in namdang te chunga vangsietna alhun sah hi Juda te akigeldoh uva aki kisiem thah nadi'u ahi.
Mipa khat in acha ajep masang in tuol ajep in chutieng chapang chun amol chuh nading aban chu ama ahi ti akihet tieng ahiding bang in aum ji e, Pathen in acha judate achonsietna chung uva ajep masang in akigel doh nadiu in gentile te ajep masa jie. Gentilete jong chonsietna anei jieh uva thuh pha kit’u ahi seiding in “Noakh dan sagi - Sheva Mitzvot bnei Noakh” ajui pouve. "Akhal eiver min ha khai - אכל אבר מן החי - Sa ahinglai ne" kiti chu gematria ilah leh "Corona" ahi.
Tunikho’a eiho dinmun ahin “Corona Virus” kiti hi gentile te kiu hilou in eiho jong ihin pha pan tauvin ibol thei pen uchu “kisiem thah/teshuva” ahi.
Shabbat nit lou a bus ana lhei jong midda-keneged-midda yom khol kisan in jong bus umlou dih dih tan chuleh Shmirat Negia ana jui lou a pasal numei kimoh khoi khoi jong midda-keneg-midda tu’n vang pasal le pasal kisan chibai akiki bol tapoi.
____________________________