Hilchot Mezuzah

בס״ד

Hilchot Mezuzah

____________________________

Torah akon Mitzvot 613 a inei uvin hiche holah achun ajat jat tampi aum e, a tekahnan - 

• Insung toh kisai mitzva - Nisuyin/Nida
• Mihiem tahsa to kisai - Tefillin/Tzitzit etc..
• Hiche ho ma bang achun Inn (בית) toh kisai Mitzva jong aum e, Hichi chu "Mitzvat Kviat Mezuzah" ahi

Mitzvat Mezuzah hi Torah sunga Parshiyot 2 jen in akisei e -  (בשתי  פרשיות)

• Parashat Shema - Devarim 6:9 "Na inn kotpi dung le keelkot kuom ah jih in"
• Parashat Ve Haya im Shamu'a - Devarim 11:20 "Na inn kotpi dung le keelkot kuom ah jih in"

Hiche Bung teni chu klaf (Parchment/Savun lekhapheng) chunga kisun a chuteng a "klaf" chu bom sunga ahung kihet teng Mezuzah kisuh ahitai. "Mitzvat Mezuzah" hoitah a jui pachu ama hinkho leh achate hinkho pum a sao ding ahi Devarim 11:21 -  "Nang ho leh na chateu hinkho, lei chunga vann gam nikho banga asot theina dingin". Ajui lou pachu ahinkho chomding ahi. Mezuzah kitah louna innsung achu vangset na ahilou leh lhagao lhah sam na alhung nom in chuleh Hinkho kipatna (Makor HaChaim) akon agui kisat tan tabang ahi. Mikhat chun normal tah a hinkho aman a lungkham nading kanei poi tia jong agel mei thei ahi hinlah, Amasang a ipi tabang thil phalou hung lhung ding akihet poi chijeh achu Hinkho ahiding banga achal lhah thei nading in inn kot a Mezuzah tah angai e. 

Mitzvat Mezuzah leh Mitzvat Tefillin kibah na.

Hichi Mitzvot teni kibah nachu ani lhon a klaf (Parchment/Savun lekhapheng) a kisun cheh cheh, Ani hon a "Parashat Shema" leh "Parashat Ve Haya im Shamua" kisun cheh cheh ahi. Tefillin sunga vang Parshiyot 2 akisun be e. Aki khih nachu Mitzvat Tefillin hi Pasal bou a ahin chuleh Mitzvat Mezuzah hi numei/pasal ania ahi. Ahin, hiche mitzva ahi numei poimo joh ti thei ahi ajeh chu numei chu inn vetup a pang ahin chuleh innsung thing thou napachu ama khut a ki ngam ahi. Numei in Mezuzah achanga, pasal pang lou ajong akitah thei e chuleh Mezuzah kitahna Bracha jong asei thei e. 

• Boldinga pha khat chu Mezuzah hi Kot pi bou hilou a kot jouse a tah angai e.
• Mezuzah kitah louna Room aum leh, hiche room chu ahithei chan a jah louding chuleh asunga jong imut louding ahi.
• Mi inn/Hotel lhuna mun avang Mezuzah um hih jongle abuina aum poi ajeh chu abung a kisei bang a "Uktavtam al mezuzot beitekha" Beitekha chu nang inn bou aseina ahi.
•   "Uktavtam al mezuzot beitekha" - Beitekha akity vang in chena khupi kot, a tah anagi e ajeh chu  "Uktavtam al mezuzot beitekha ubesa'arekha" sa'arekha chu gate kot tina ahi. Akhusung a mi cheng hochu gentile jao jongleh khupi kot a mezuzah tah ding ahi.
• Ahoipen chu Inn kotpi a Mezuzah chu abom transparent hiding, asung a thucheng kisuna "klaf" chu kimuding.
• Innsung room dang jouse vang Transparent Mezuzah tah angai poi ajeh chu Von kihel or imutna a akinam jeh in Mezuzah theng thouna pachu ha dosah behseh lou aphai. 
• Bath Room toh Toilet tilou room dang jouse a Mezuzah tah phal ahi.

____________________________

Le Refuah Shlema Sarah Bat Sarah